Marko 1 - Samburu

Likoroto e Yoana Laipatisani

¹ Kore Lomon Supati ooipirita Yeso Kristo, Nkerai e Nkai naa ketang'asua,

² ana naigero loiboni le Nkai Isaya ejo: <>

³ < >>

⁴ Nelotu taa ltung'ani oji Yoana Laipatisani aipung'oki lkees, elikoo nkipatisare e nkirriidunoto ee ng'ok, nayau mpalikinoto ee ntorrok.

⁵ Nedotunyie ꞉nkop pooki e Yudea o ltung'ana lo lkerenket le Yerusalem aapuo netii ninye, neipatis ninche te sere e Yordan, eibalie ꞉ninche ng'ok enche.

⁶ Kore apa Yoana neichopito nkilani naaitibirieki lpapit le ntames, nerretenita nkimeente e nchoni te nkiji enye, nenya lmaat o naichuo e soro.

⁷ Nelikorita ninye ejo, <

⁸ Kaipatis nanu ntae ta nkare, naa kore ninye keipatis ntae ta Ltau Sinyati.>>

Nkipatisare e Yeso

⁹ Kore tee nenia perot nelotu Yeso eing'uaa lkerenket le Nasaret e Galilaya, neipatis ꞉Yoana te sere e Yordan.

¹⁰ Kore ake pee eipung'u Yeso taatua nkare, nedol chumata eoro abolo o Ltau Sinyati edou te nkitanyanyukoto e nkutukurruk, newuenie ninye.

¹¹ Nening'oi ltoilo oing'uaa chumata ejo, <>

Ntemat e Yeso

¹² Kore ake te inia kata nereu ninye ꞉Ltau Sinyati mechomo lkees,

¹³ newuon te inie mperot artam etemita ꞉Chitani, neboitiere ng'uesi e soro, neisiaaita ꞉lmalaikani ninye.

Looiteng'eni lekue ooipoto ꞉Yeso

¹⁴ Kore eidipaki aateen Yoana, nelo Yeso Galilaya alikoo Lomon Supat le Nkai.

¹⁵ Nejo, <>

¹⁶ Kore eloito Yeso te nchepata e mpaso e Galilaya, nedol Simon o lalache lenye oji Andirea enang'akita lgiitani ooibung'ieki sinkirri atua nkare, amu kera apa ninche laibung'ak loo sinkirri.

¹⁷ Nejoki ꞉Yeso ninche, <>

¹⁸ Neing'uaa nabokata lolo giitani, nepuo aairukurukore ninye.

¹⁹ Kore pee eikonyi ninye alo teinie, nedol Yakobo layieni le Sebedayo o lalache lenye oji Yoana, etii atua meli aaitibirita lgiitani.

²⁰ Neipot ninche nabokata, neing'uaa papa lenche Sebedayo tenebo o laisiaayiak lenyena ooigero metaasa siaai te meli, nepuo aairukurukore ninye.

Eichiunyie ꞉Yeso ltung'ani oata lairirua

²¹ Nepuo lkerenket le Kapernaum, naa kore ake pee ebau mparri e Sabato, nejing Yeso atua Sinagogi neng'asu aiteng'en ltung'ana.

²² Neing'asia ltung'ana te inia kiteng'ena enye, amu keiteng'ena ninche ana ilo oata nkitoria, nemetuwuana ana laiteng'enak lenche loo nkitanapat.

²³ Kore ake te inia kata, netii apa ltung'ani oata lairirua inia Sinagogi enche. Nebuak to ltoilo sapuk,

²⁴ ejo, <>

²⁵ Nekusakan ꞉Yeso aing'ode ajoki, <>

²⁶ Neipuch ꞉lairirua ilo tung'ani, nebuak to ltoilo sapuk, neipung aing'uaa ninye.

²⁷ Neing'asia ltung'ana pooki, neipara ninche maate aajo, <>

²⁸ Kore taatua nkini kata nebulaa lomon le Yeso too lubot pooki e Galilaya.

Eichiunyie ꞉Yeso ltung'ana kumo

²⁹ Kore ake payie eipung ninche aaing'uaa Sinagogi, nepuo tenebo o Yakobo o Yoana nkang e Simon o Andirea.

³⁰ Kore nkautani e Simon naiu ntomononi enye naa keperito ninye emuai tankaraki naata nkirewua. Nelikini Yeso nabokata lomon lenyena.

³¹ Nelo netii ninye. Kore payie eibung nkaina enye, nerrapu, neing'uaa ninye ꞉inia kirewua, neng'asu aicho ninche ndaa.

³² Kore teipa, nochi nadoorie ndama, neyakini Yeso ltamoyia pooki o lolo oaata lairiruani.

³³ Netodotunyie ilo kerenket pooki, aiturrurrokino nkutuk e inia aji.

³⁴ Neichiunyie ꞉Yeso lkumo oata moyianitin kumo naapaapaacha, nearaa meeipung'o lairiruani kumo, kake eitu eicho lolo airiruani meiroro, amu keyielo ꞉ninche ninye.

Likoroto e Yeso ta Galilaya

³⁵ Kore tasiran ewuon emismis pii, neinyuototo Yeso aipung te inia aji, nelo ng'oji neliyio, neomon.

³⁶ Neng'asu Simon o lboitieii lenyena aayiaya ninye oleng.

³⁷ Netum ninye nejoki, <>

³⁸ Nejoki Yeso, <>

³⁹ Nemanaa ninye te inia kop e Galilaya pooki elikoo Lomon Supati tee Sinagogini enche, nearaa sii lairiruani meeipung'o.

Eichiunyie ꞉Yeso ltung'ani oata nkeeya ee lbolot

⁴⁰ Nelotu ltung'ani oata nkeeya ee lbolot netii Yeso, elejita negilaki kung, ejoki, <>

⁴¹ Kore tankaraki natoduaka ꞉Yeso lng'er, neitorio nkaina enye neiseyie, nejoki, <>

⁴² Kore nabokata, neing'uaa ninye ꞉inia keeya ee lbolot, neichiu ninye.

⁴³ Nereu ꞉Yeso ninye nabokata mechomo, neing'ode ajoki,

⁴⁴ <>

⁴⁵ Kake kore abaki etilikaki neas, neng'asu ninye alikoo kulo omon oleng aitubulaa inia naitaasaki. Naaku, merekure eidim Yeso atijing'a atua lkerenket hoo obo eyieloi, kake newuon ake too ng'ojitin neeliyio. Kore ake etiu nejia, nepuonu ltung'ana too lubot pooki netii ninye.