Luka 8 - Samburu

Ntomonok /naairiamari o Yeso

¹ Kore tesiedi inia, nemanaa Yeso too lkerenketi o nkang'ite, alikoo Lomon Supati le nkitoria e Nkai. Netii loochi ooiteng'eni tomon o oare tenebo o ninye,

² netii sii ntomonok /naataarayieki lairiruani taatua ninche o neichiunyieki moyianitin: aa taa Maria naji Magadalena naataarayieki lairiruani sapa taatua,

³ o Njoana, nkitok e Kusa oara laisiaayiani kitok le Erode o Susana o nkulie kumo, naaitaitua ntokitin enche aaisiaayie Yeso o Lkipaareta.

Nkitanyanyukoto naipirita launoni laa lantarara

⁴ Naa kore eiturrurrunyie lturrur kitok, nepuonuta ltung'ana eing'uaa lkerenket o lkerenket neti Yeso, nejo ꞉ninye te nkitanyanyukoto,

⁵ <

⁶ Nedoki lkulie lkarkar, kore payie ebulu, netoi amu meata nkare.

⁷ Nedoki lkulie atua lkeek loo lkuku, nebulu tenebo, neiding'aki ꞉lkuku, negor.

⁸ Nedoki lkulie nkuluponi supat, nebulu, kore lobo neiu ip.>> Kore ejoito ana, neitoki abuak ajo, <>

⁹ Kore ꞉looiteng'eni lenyena neipar kipirte ena kitanyanyukoto.

¹⁰ Nejoki ꞉Yeso ninche, <

Limunoto e nkitanyanyukoto naipirita launoni laa lantarara

¹¹ <

¹² Kore lolo ootodokita nkoitiei naa lootining'o, nelotu Chitani aitai ilo rerei taatua ltauja lenche, payie meiruk nejeu.

¹³ Kore lootii lkarkar naa lolo ooning, laa kore tenening ilo rerei neng'amaa te ng'ida. Kake meata ninche ntana, keiruk nkiti kata, kore payie etum ntemat nerriaa.

¹⁴ Kore lolo ootodokita atua lkuku naa looning, negor nyamali ee ltauja o parakuoicho o rraa e nkichon. Nemeiu ꞉ninche lng'anayio ooku.

¹⁵ Kore lantarara ootodokita nkuluponi supat, naa lolo ooning rerei neibung taa ltauja supati oodede, neiu lng'anayio te ng'iriata.

Lkilang'ilang'et oisudoro

¹⁶ <

¹⁷ Amu meatae naisudoro nemeibalunyieki, anaa naing'opa nemeipung'unyieki atua wong'an.

¹⁸ Neaku naa, errita ate ninkoko tinining'ning, amu kore loata neponikini, kore lemeata neoruni abaki inia najo ninye keata.>>

Lalachera Yeso o ng'otonye

¹⁹ Nepuonu lalachera Yeso o ng'otonye netii Yeso, kake eitu eidim aatinyikaki ninye tankaraki lturrur.

²⁰ Nejokini Yeso, <>

²¹ Newoliki ajoki, <>

Eitigira ꞉Yeso lkutati

²² Kore apa mparri nabo nejing ꞉Yeso meli o looiteng'eni lenyena, nejoki ninche, <> Neinyuototo aapuo.

²³ Kore elang'ita ꞉ninche neya ninye njuo. Neinyuototo lkutati nelotu nedoki mpaso, neng'asu nkare aiput meli, nenyamalu ninche oleng.

²⁴ Nepuo aainyoyie nejoki, <> Neinyuototo, nebuaaki aing'ode ilo kutati o laing'ok le nkare. Neperoo ilo kutati o laing'ok le nkare, neitirring'a nkare.

²⁵ Nejoki, <> Kake neiputukuny ninche, neing'asia, neipara maate aajo, <>

/Eichiunyieki ltung'ani oata lairirua

²⁶ Nelang nkare aapuo ildo kokun le nkop ee Lgerasin, naitalang'akinere nkop e Galilaya.

²⁷ Kore payie edou Yeso te meli, nenang'are ꞉ltung'ani oing'uaa lkerenket oata ꞉ninye lairiruani. Neitu eichop nankan tee mperot kumo, nemewuon ta nkang, kake too nkuraren ewuon.

²⁸ Kore payie edol Yeso, nebuak, nerriaakino tekue ninye. Nejo to ltoilo kitok, <>

²⁹ Ketejo nejia amu ketiaka ꞉Yeso inia kata ilo airirua metung'ai ilo tung'ani. Naa kore amu keibung'a ninye nkatitin kumo, neeni nkaik o nkejek tee senke payie etumi aatirrip, kake ketudung'o ninye nenia senke nkatitin pooki. Nemiraki ꞉lairiruai neliyio.

³⁰ Neipar ꞉Yeso ninye ajoki, <> Nejo, <> amu lairiruani kumo ootijing'a ninye.

³¹ Nelej ꞉lairiruani Yeso nkatitin kumo, payie mearaa ninche amiraki lodo le nkop.

³² Netii inie mboo kitok ee mbitiro naadaa to lowua. Nelej ꞉lolo airiruani ninye meichoo mpaach najing'ie atua ninche, neicho.

³³ Neipung'u te ilo tung'ani, nejing atua mbitiro. Nejo dii ꞉inia boo aaitutori te ilo owua, nedoki atua mpaso, neya nkare.

³⁴ Kore payie edol lchekuti nataase, neisig nepuo aalikoo inia bae te lkerenket o taa nkang'ite.

³⁵ Neipung'u ltung'ana aapuo aadol nataase. Nepuonu netii Yeso, nedol ilo tung'ani otung'aitie lairiruani ewuon tankalo nkejek e Yeso, eichopito nankan, nemeng'or mparrunot enyena. Neguretu pooki.

³⁶ Kore lolo ootoduaa inia, neliki ninche, neikunaki payie eichiunyieki ilo oata lairiruani.

³⁷ Kore ltung'ana kumo ootii nkalo inia kop ee Lgerasin, nejoki ꞉pooki Yeso mechomo aing'uaa ninche, amu ketumo ngureticho kitok. Nejing ninye meli alo achuko.

³⁸ Neomon Yeso ꞉ilo tung'ani oipung'unyie lairiruani mpaach payie ewuon eboitiere ninye, kake nechuk ninye mechomo, nejoki,

³⁹ <> Nechuko ninye alo alikoo taatua lkerenket nana pooki naaitaasa Yeso.

Eichiunyie ꞉Yeso ntito e Yairo o nkitok namuai

⁴⁰ Kore payie echuko Yeso to nkop ee Lgerasin, neitoomon ꞉ninye lturrur kitok tankaraki keanyuta ꞉pooki ninye.

⁴¹ Kore ake inia kata, nelotu ltung'ani oji nkarna Yairo, oara lkitok le Sinagogi. Nerriakino tekue nkejek e Yeso, nelej meeu nkang enye,

⁴² amu ketaa keye ntito enye nabo ake natiiwua, naata larin oobaya 12. Kore eloito Yeso, neiding'aki ꞉lturrur taa mbat pooki ana metala mpaach nayeng'ie.

⁴³ Naa ketii inie nkitok nabo, naturukie lodo larin 12, netaapare koon to ntoki pooki naata too labaak neitu etum ltung'ani oichiunyie ninye.

⁴⁴ Neimu tooriong Yeso ninyikaki, neiseyie sakurdai le nanka enye, nedung'o rukoi e lodo nabokata.

⁴⁵ Nejo Yeso, <> Nemiki ltung'ana pooki. Nejo Petero, <>

⁴⁶ Kake nejoki ꞉Yeso, <>

⁴⁷ Kore payie edol ꞉ana kitok ajo etukurruaki, nelotu eikirikira, nerriaa tekue Yeso. Nelimu tekue ltung'ana pooki ajo aanyo payie eiseyie o neikuna payie eichiunyieki nabokata.

⁴⁸ Nejoki ꞉Yeso ninye, <>

⁴⁹ Kore ake ewuon eirorita ꞉Yeso, nelotu ltung'ani ta nkang e ilo kitok le Sinagogi, nejoki Yairo, <>

⁵⁰ Kore payie ening ꞉Yeso inia nejoki ninye, <>

⁵¹ Kore payie ebaki ꞉Yeso inia aji, nemitiki ltung'ana ejing atua tenebo o ninye, mara ake Petero o Yoana o Yakobo o menye o ng'otonye nkerai.

⁵² Kore lolo tung'ana pooki naa keichirita neisinanio oleng tankaraki ninye. Nejoki ꞉Yeso ninche, <>

⁵³ Nekueniyie ꞉ninche ninye amu keyielo aajo keidipa atua.

⁵⁴ Kake neibung ninye nkaina e inia tito, neipot ajoki, <>

⁵⁵ Nechukokino ꞉nkichui enye, neitache nabokata. Nejoki ꞉Yeso ninche meichoo ndaa.

⁵⁶ Kore ntoiwuo enyena, neing'asia oleng, kake nejoki ꞉ninye ninche payie meliki hoo ltung'ani nataase.