Luka 5 - Samburu

Eipoto ꞉Yeso looiteng'eni lenyena lekue

¹ Kore mparri nabo, eiding'akino ꞉lturrur Yeso aainining rerei le Nkai, neitache ninye tabata mpaso e Genesaret,

² nedol melin are etii nkalo mpaso naatung'aitie laibung'ak loo sinkirri. Kore lolo aibung'ak loo sinkirri naa ketung'aitie nenia melin, newueni aaituk lgiitani ooibung'ieki sinkirri.

³ Nejing Yeso atua meli e Simon nati atua nenia melin, neomon meturrumoki peneu atua nkare aitalam nkop natoyio. Naa kore etii atua meli, newuon, neng'asu aiteng'en lturrurri.

⁴ Kore payie eidip airoro nejoki Simon, <>

⁵ Newoliki ꞉Simon ajoki, <>

⁶ Kore payie eas ninche nejia, neibung sinkirri kumo oleng ana metang'asu lgiitani aadung'o.

⁷ Neroju lboitieii lenche ootii meli e are meotu aaret. Nepuonu, neiput melin pukura are sinkirri metaa keimis.

⁸ Kore payie edol Simon Petero inia, negil kung tekue Yeso nejoki, <>

⁹ Amu keing'asie ninye oleng o lolo pooki ooboitiere tankaraki nkumoin ee sinkirri ooibung'a.

¹⁰ Neing'asiate abaki oleng Yakobo o Yoana, lolo ayiok le Sebedayo oaara lboitieii le Simon. Nejoki ꞉Yeso Simon, <>

¹¹ Kore payie eipung'okinyie nenia melin enche nkop natoyio, neing'uaa ntoki pooki neirukurukore ninye.

Eichiunyie ꞉Yeso ltung'ani oata nkeeya ee lbolot

¹² Kore etii Yeso lobo loo lolo kerenketi, netii inie ltung'ani oata nkeeya ee lbolot. Kore payie edol ꞉ninye Yeso nenang nkop to nkomom nesai ajoki, <>

¹³ Neitorioo Yeso nkaina neiseyie ninye nejoki, <> Neichiu ninye inia kata nkeeya ee lbolot.

¹⁴ Nejoki ꞉Yeso ninye payie meliki hoo ltung'ani. Nejoki, <>

¹⁵ Nebulaa aitoki lomon le Yeso, nepuonu lturrurri loo ltung'ana aainining, neichiunyieki moyianitin enche.

¹⁶ Kore chiaake Yeso, naa keing'uaa ninche nelo loliyio aomon.

Eichiunyie ꞉Yeso ltung'ani tardoi

¹⁷ Kore mparri nabo eiteng'enicho Yeso, netii Lparisayo o laiteng'enak loo nkitanapat inie aawueni, ooing'uaa nkang'ite pooki ee Galilaya o Yudea o Yerusalem. Netii ngolon e Laitoriani tenebo o ninye payie etum aichiunyie ltamoyia.

¹⁸ Naa keatae apa lewa oaanapita ltardoi otigilgile to lchoni, nenyok aajo payie eitijing nkaji aaiteper tekue Yeso.

¹⁹ Kore tankaraki ketii apa inie lturrur, nelau ninche mpaach naitijing'ie atua. Neiliepie nkeper e nkaji, nebol nkisiapet neitodoyio aaimie inie to lchoni aaitodoki tekue Yeso te nkiji ee ltung'ana.

²⁰ Kore payie edol ꞉Yeso nkurukoto enche nejoki, <>

²¹ Kore laiteng'enak loo nkitanapat o Lparisayo, neng'asu aaipara maate aajo, <>

²² Naa kore amu keyielo Yeso mparrunot enche newoliki ajoki, <

²³ Kaa nalelek? Tanajo, anaa tanajo, ?

²⁴ Kake kore payie iyielouu aajo keata Nkerai e ltung'ani nkitoria to nkop napalikinyie ng'ok>> - nejoki ilo tung'ani otigilgile - <>

²⁵ Neinyuototo nabokata aitache tekue ninche, nerrapu lchoni lenye opetita nelo nkang errepita Nkai.

²⁶ Neing'asia ninche pooki oleng, neng'asu aarrep Nkai. Neguretu oleng nejo, <>

Nkipototo e Lawi

²⁷ Kore tesiedi ana, neipung Yeso ta nkaji, neing'or laitalakunoni le kodi oji nkarna Lawi ewuon ta nkaji naitalakunyieki kodi nejoki, <>

²⁸ Neing'uaa Lawi ntokitin pooki, neinyuototo airukurukore Yeso.

²⁹ Neitibiraki Yeso ndaa kitok ta nkang enye. Netii inie siamu kitok ee laitalakunok le kodi o lkulikae oonyeita ndaa tenebo o ninche.

³⁰ Neing'unyung'unyaki Lparisayo o laiteng'enak loo nkitanapat looiteng'eni lenyena aajoki, <>

³¹ Newoliki ꞉Yeso ninche ajoki, <

³² Eitu alotu aipot loosipat, kake loaata ng'ok ayewuo aipot payie eibelekenya.>>

Nkipara naipirita enata ee nkutukie

³³ Nejoki ꞉lkulie tung'ana, <>

³⁴ Nejoki ꞉Yeso, <

³⁵ Kake kebau kenya nkata nayae loyemicho aaitung'aa ninche, naa keen ninche nkutukie inia kata.>>

³⁶ Neliki nkitanyanyukoto ajoki, <

³⁷ Nemeatae aitoki ltung'ani opik naichuo e lmusabibu ng'ejuk lbenia musan, amu kore naichuo ng'ejuk kedany lbenia musan, neibukori inia aicho nerroyo lolo benia.

³⁸ Kake meata ajo mepiki naichuo ng'ejuk e lmusabibu atua lbenia ng'ejuko.

³⁹ Naa meatae ltung'ani omat naichuo musana oyieu aitoki naichuo ng'ejuk tankaraki kejo, >>