Luka 24 - Samburu

Mpiunoto e Yeso

¹ Kore ta mparri ekue e sapa, payie eng'asu aisuruanu, nepuo nana tomonok nkurarei enapita ntokitin naarropil naaitibirita.

² Neiniapu ilo soit eibeleleng'oyieki aaitalam nkurarei.

³ Kake kore pejing ninche, neitu etum sesen la Laitoriani Yeso.

⁴ Kore ake ewuon eing'aing'ai ninche tankaraki inia bae, nedol ake inia kata ltung'ana oare ooitachoo tabata ninche ooichopito nankan naaitintil.

⁵ Kore eiputukunyuto, eirrigoki nkomomi enche nkop nejoki ꞉lolo tung'ana, <

⁶ Metii ninye ene, kake etipiwua! Entaparru netiaka ntae ewuon etii Galilaya

⁷ ejo, >>

⁸ Neparru ꞉ninche lolo omon apa ootejo.

⁹ Kore payie echukunye ninche te nkurarei, neliki loochi ooiteng'eni tomon o obo o lolo kulikae, nana baa pooki.

^10-11 Kore kuna tomonok naa Maria Magadalena o Njoana o Maria ng'otonye Yakobo o nkulie tomonok naaboitiere ninche. Neliki ꞉ninche lkipaareta kuna baa, kake kore too lkipaareta, ketuwuana kulo omon ana meitoki, neitu eiruk ninche.

¹² Neinyuototo Petero, nekuet abaki nkurarei. Neirrigo airumrum atua, nedol lolo kijat laa nankan naapuyiapui aapeny naairinieki sesen, nerrinyo ang eing'asie te inia nataase.

Echomo lkipaareta oare Emaus

¹³ Kore apa inia parri, epuoito looiteng'eni oare le Yeso lkerenket kini oji Emaus, oara matejo kilomitani 11 te Yerusalem,

¹⁴ keirorita ninche maate, aaimaki mbaa pooki naataasate.

¹⁵ Kore ewuon eirorita maate aaimaki kuna baa, nenyikaki ꞉Yeso, neiriamari tenebo o ninche.

¹⁶ Kake keikenoki nkonyek enche payie meyielou ninye.

¹⁷ Nejoki ꞉Yeso ninche, <> Neitachoo ninche, eisinanio.

¹⁸ Kore lobo lenche oji nkarna Kileopas, newoliki ajoki, <>

¹⁹ Neipar ajoki, <> Nejoki ꞉ninche, <

²⁰ Kore lkutuaa laa laitainok la lasar o lkutuaa lang, neichooyo ninye meiguanareki, neri metua, nechei to lmusalaba.

²¹ Kake ikiata apa iyioo siligi aajo ninye olaku Isirael. Ee, kake kore etiu nejia, anapar mparri e uni etaasate kuna baa.

²² Naa kore aitoki, keing'asia iyioo nkulie tomonok taatua iyioo naachomo nkurarei duo te siran,

²³ neitu etum sesen lenye. Nechukunyie nejoki iyioo, eji keipung'okita ninche ꞉lmalaikani ootiakita keichu.

²⁴ Naa kore sii lkulikae ootii tenebo o iyioo, kechomo nkurarei netum ana natilimutua nenia tomonok, kake eitu edol ninye.>>

²⁵ Nejoki ninche, <

²⁶ Amaa, mara meatae ajo meitami Kristo sina, nejing atua nkitoo enye?>>

²⁷ Neng'asunyie Musa o loibonok pooki, eibalakinyie ninche lomon ooipirita ninye koon taatua Lkigerot Sinyat pooki.

²⁸ Kore payie enyikaki inia ang duo napuoito, neitaakino ninye keikonyi atuwuana kelo aituruk.

²⁹ Neitirrichaki aaibok ejoki, <> Nejing nkaji aboitiere ninche.

³⁰ Kore etowuana ninye te misa aanya ndaa tenebo o ninche, nerrapu mukate, nemayian, negil, neicho ninche.

³¹ Neboli nkonyek enche neyielou ninye, neimis ninye taatua ninche metaa merokure edolita.

³² Nejokino, <>

³³ Neinyuototo ake ninche inia kata, nerrinyo Yerusalem, neiniapu lkipaareta tomon o obo le Yeso eiturrurro o lolo ooboitiere

³⁴ ejo, <>

³⁵ Kore laaduo ooiteng'eni oare, neliki ninche lomon ootupukutua to nkoitiei o neikuna payie eyielou ninye inia kata payie egil mukate.

Eipung'oka ꞉Yeso looiteng'eni lenyena

³⁶ Kore ewuon eirorita ninche, neitache Yeso te nkiji enche nejoki, <>

³⁷ Neiputukuny ninche, neguretu ejo milika etoduaa.

³⁸ Nejoki ninche, <

³⁹ Eng'ura nkaik o nkejek ainien, amu nanu dei koon ele! Eraprapaaki nanu niking'orng'or, amu kore milika naa meata sesen o loik ana nidolitata ajo kaata nanu.>>

⁴⁰ Kore payie eidip atejo nejia, neitodol ninche nkaik o nkejek enyena.

⁴¹ Kore tankaraki ewuon ake eitu eiruk ꞉ninche tankaraki ng'ida, neing'asiate nejoki ꞉Yeso, <>

⁴² Neicho ninye orati e sinkir opejo,

⁴³ nerrapu, nenya tekue ninche.

⁴⁴ Nejoki ninche, <>

⁴⁵ Kore ake inia kata, nebol ninche nkuechi meteyielou Lkigerot Sinyat.

⁴⁶ Nejoki ninche, <

⁴⁷ Naa kelikori ta nkarna enye nkibelekenyata nayau mpalikinoto ee ng'ok too lochon pooki, ang'asu te Yerusalem.

⁴⁸ Naa ntae lasipak o lalikorok loo kuna baa!

⁴⁹ Kore naa, karewaki nanu ntae lekutuk oitayia ꞉Papa lai, kake entewueni te lkerenket ana meichori ntae nkidimata naaing'uaa keper.>>

Eiliepieki Yeso aaya chumata

⁵⁰ Nerikoo ꞉Yeso ninche aitung'aa ilo kerenket ana metabaki ng'oji neji Betania. Neapaa nkaik enyena, nemayian ninche.

⁵¹ Naa kore emayianita ninche, neorere, neiliepieki aaya chumata.

⁵² Nesai ꞉ninche ninye, nerrinyo Yerusalem te ng'ida kitok,

⁵³ Newueni ta nkaji e Nkai nkata pooki errepita Nkai.