Luka 21 - Samburu

Nkichoorot e nkoiliai

¹ Kore payie eapu Yeso nkonyek, nedol lgarsisi epik nkichoorot enche atua sanduku loo nkichoorot.

² Nedol ꞉Yeso nkoiliai nabo aitarani, epikita sintii oare

³ nejo, <

⁴ Amu, kore kulo pooki naa keitaitua nkichoorot taatua parakuoicho enche. Kake kore ana oiliai aitarani, naa keitayia taatua menai enye ntoki pooki naichiwue ninye.>>

Etilimua Yeso arata e nkaji e Nkai

⁵ Kore eimakita lkulikae neikunaki nkikodoto e nkaji e Nkai too soito supati, o too nkichorunot naitakaki Nkai nejoki ꞉Yeso,

⁶ <>

⁷ Neipar aajoki, <>

⁸ Nejoki ninche, <, naa, Emirukurukore ninche!

⁹ <>

¹⁰ Nejoki aitoki ninche inia kata, <

¹¹ Naa kepuonu nkikirikirot sapuki nkop, naa kore too lubot pooki e nkop nelotu lameii o nkeyaitin torrok. Nepuonu sii mbaa naaituriaicho o nkitodolunot kutuaa naing'uaa chumata.

¹² <

¹³ Neaku inia ng'amata nimbalielie limunot inchi.

¹⁴ Kake emidung taa ltauja linchi, aajo aji inkoko tinimititu ate.

¹⁵ Amu kaicho nanu ntae rerei liwolielie o ng'eno, paa meata abaki lobo loo lolo oarare ntae oidim aibooi ntae, tanaa oitooliki ntae.

¹⁶ Naa kore ntoiwuo inchi o lalachera linchi o lmarei linchi o sotuatin linchi, neichooyo ntae, neri lkulikae taatua ntae.

¹⁷ Naa keibai ntae ltung'ana pooki tankaraki nkarna ai,

¹⁸ kake meimin hoo ntae lpapita obo le nkue.

¹⁹ Kore te ng'iriata inchi naa itumtum nkichon nemeiting.

Etilimua Yeso arata e Yerusalem

²⁰ <

²¹ Kore inia kata, lootii atua nkop e Yudea, enchoo meisigaki lowuan, kore lootii atua ilo kerenket, neipung aing'uaa, naa kore lootii soro nemejing'u.

²² Amu kore kenya nenia perot, naa keiteme ꞉Nkai ltung'ana tankaraki ng'ok enche, payie ebaya mbaa pooki naaigeroki.

²³ Oi siake nenia naatunutete o naaitanakicho tee nenia perot! Amu keatae kenya sina kitok to nkop, naa ketum ngoro e Nkai kitok ltung'ana oaamanya inia kop.

²⁴ Kore lolo tung'ana naa kemuti ta lalem, neibung'i, neyae atua lochon. Naa kore Yerusalem near ꞉loreren aaidach, ana meichunye ng'amat ee loreren.

Lotunoto e Nkerai e ltung'ani

²⁵ <

²⁶ Neiterriaa ltung'ana to lputukuny o ngureticho ee mbaa naapukoki nkop, amu keikirikiro ngolon ee ntokitin naatii loing'ang'e.

²⁷ Naa kore inia kata, nedoluni Nkerai e ltung'ani elotu taatua nkidis to ngolon o nkitoo kitok.

²⁸ Kore teneng'asu nenia baa aapuku, enting'idata, nintachoo, niapupu nkuechi inchi, amu ketinyikua lakunoto inchi.>>

Nkiteng'ena naipirita lng'aboli

²⁹ Neliki ꞉Yeso ninche nkitanyanyukoto ajoki, <

³⁰ Laa kore ake payie eyuk, niyielouu nidoldol maate aajo, etinyikua ng'amata e lari.

³¹ Naaku naa, kore tinidoldol sii ntae kuna baa easai, enteyielo aajo nkitoria e Nkai.

³² Kedede kajoki ntae, meichunye naa ltung'ana le ana pukunoto eitu easai kuna baa.

³³ Kore keper o nkop naa keichunye, kake meichunye rereii lainien.

³⁴ Errita ate payie meirraaya ntae luboi o merai o irran e nkichon, metaa kore inia parri nalotu, nemeirrachu ntae aluam mintekiki.

³⁵ Amu kelotu too ltung'ana pooki oaamanya nkop pooki.

³⁶ Entirripicho nkata pooki, iomonmon, payie indimdim aatapachere nana pooki naapuku, nidimdim aaitacho tekue Nkerai e ltung'ani.>>

³⁷ Kore parkiji, neiteng'enicho Yeso ta nkaji e Nkai, nelo kuarie awuon to lowua oji Lowua loo Lng'erriyio.

³⁸ Kore ta siran, nerrekunye ltung'ana pooki, aapuonu neti ninye aainining ta nkaji e Nkai.