Luka 13 - Samburu

Erriidu anaa indaayaya

¹ Naa kore apa te inia kata keatae ltung'ana ootilikita Yeso mbaa ee lkulie ltung'ana le nkop e Galilaya oaatara ꞉Pilato eitaita lasar, neituchulaki lodo lenche ilo asar oitaita.

² Newoliki ninche ajoki, <

³ Kajoki naa ntae, metiu nejia. Kake tinimirriidudu, naa indaayaya sii ntae aiko nejia.

⁴ Tana sii laapa 18, ootuurokine nkaji naado te Silaom near metuata. Amaa, ijoijo ntae kera ninche laasak loo ng'ok oleng aalang lkulie pooki oaamanya Yerusalem?

⁵ Kajoki naa ntae metiu nejia, kake tinimirriidudu sii ntae naa indaayaya pooki aiko nejia.>>

⁶ Nelimu ana kitanyanyukoto: <

⁷ Nejoki laitibirani la lchampa lo lmusabibu,

⁸ Newoliki ꞉laitibirani la lchampa ajoki,

⁹ Naa tenejing lng'anayio elde ari olotu naaku keisupat, kake teneitu ejing nidung.> >>

Eichiunyie ꞉Yeso nkitok naruja oriong mparri e Sabato

¹⁰ Kore ta mparri nabo e Sabato, neiteng'enicho Yeso te Sinagogi nabo.

¹¹ Naa kore apa teinie, netii nkitok nabo naata lairirua le moyian. Naa ketigila ꞉ilo airirua nkoriong taa larin 18, neirrig paa meidim aitorioi koon aitacho aitibiraki.

¹² Kore payie edol Yeso ninye, neipot meeu nejoki, <>

¹³ Neiteleki nkaina enye inia kitok, necheii nkoriong nabokata, neisis Nkai.

¹⁴ Kore tankaraki naichiunyie ꞉Yeso ltung'ani ta mparri e Sabato, negoro lkitok le Sinagogi neitarrap ltung'ana ajoki, <>

¹⁵ Newoliki ꞉Laitoriani ajoki, <

¹⁶ Amaa ana kitok, nara ntito e akuyia lang Abraam nateena apa Chitani larin 18, mara keichiaakino nelakuni ta mparri e Sabato?>>

¹⁷ Kore payie eidip atejo kuna baa, neitam anyit lolo pooki ooiserunore ninye, neng'ida ltung'ana taa mbaa pooki kutuaa e nking'asia naataasa ninye.

Nkitanyanyukoto e lantararai o ne siichi

¹⁸ Neipar ꞉Yeso ajoki, <

¹⁹ Nchi etiu ana lantararai kini owa ltung'ani aun ta lchampa lenye, nebulu neaku lcheni, neitibir nkueeny e nkeper e ai nkajijik enche too sura enyena.>>

²⁰ Neitoki ajo, <

²¹ Nchi etiu ana mukate kini naisiicho, naituchulaka nkitok ncharaan uni e nkuruma e nkano, nepal ana meisiichoi pooki.>>

Nkutuk napirik e nkaji

²² Nelo Yeso aibung nkoitiei, aidachaa nkang'ite o lkerenketi eiteng'enicho eloito Yerusalem.

²³ Neipar ltung'ani obo ajoki, <> Nejoki ninche,

²⁴ <

²⁵ Kore ake payie einyuototo lopeny nkaji, neiken nkutuk e nkaji, nintachoo ntae ta aulo ijoijo, Kake newoliki ajoki,

²⁶ Ning'asusu aajo,

²⁷ Nejoki ntae,

²⁸ Kore kenya tinidoldol Abraam o Isaka o Yakobo o loibonok pooki te nkitoria e Nkai, etanang'akaki ntae aulo, naa inchirchir kenya, niwonywony lala te mion.

²⁹ Naa kepuonu ltung'ana ooing'uaa neiliepunyie o nedoyierie ndama o kopikop o maikope, newueni aanya ndaa taatua nkitoria e Nkai.

³⁰ Naa keaku kenya lolo le siedi lekue, neaku lekue le siedi.>>

Nchaman e Yeso te Yerusalem

³¹ Kore te inia kata ake, nepuonu lkulie Parisayo nejoki ninye, <>

³² Newoliki ninche ajoki, <

³³ Kake meata ajo maaibung nkoitiei anapar o teisiere o mparri e uni, amu meiririkino payie enang loiboni nkae ng'oji namara Yerusalem.>

³⁴ Oi sii ake Yerusalem! Yerusalem! Iyie naar loibonok nenang too soito metuata lolo likiterewakaki. Nkatitin aja ateyiewua naiturrur nkera inono ana neiko nkoko teneiturrurru nkuoo taa nkaipupo enyena, niany.

³⁵ Eng'ura etung'akaki ntae nkaji inchi era mijoni. Naa kajoki ntae, mikidoldol nanu ana nijoijo, >>