Luka 1 - Samburu

¹ Ketonyua apa ltung'ana kumo aaiger nana baa naaitabayieki taatua iyioo,

² ana natamakita iyioo lolo ootoduaa aasipu nenia baa ta ng'asunoto, nera sii laisiaayiak le ilo rerei.

³ Tankaraki inia, kore aidipa nanu atisipu nenia baa pooki ta ng'asunoto, nadol sii nanu ajo, keiririkino payie aaigeroki iyie Teopilo kitok oyanyiti, to nkoitiei naipidari.

⁴ Kataasa ana, payie itum ateyielo sipat ee mbaa nikitilikaki.

Limunoto e inoto e Yoana Laipatisani

⁵ Kore apa ta ng'amata e Erode lkinkii le mbata e Yudea, netii laitainoni la lasar oji Sakaria le ntipat ee laitainok la lasar le Abiya. Neyem apa ntito e ltim la laitainoni la lasar oji Aron, naji Elisabet.

⁶ Naa kore apa ninche, kera pukura ltung'ana loosipat tekue Nkai, neibung'a nkitanapat o lkerreti pooki la Laitoriani, meata ntioto.

⁷ Nemeata ninche nkera, amu keolipi apa Elisabet, netaarrarrita pukura.

⁸ Kore mparri nabo eitaita Sakaria lasar, era nkata naisiaaicho laitainoni obo la lasar le ntipat enye,

⁹ nerriakino ninye ꞉nkuko, tana netiu te lkerreti laa laitainok la lasar, payie ejing nkaji e Laitoriani, apej lasar orropili.

¹⁰ Kore eomonito lturrur kitok to boo ta nkata napeji lasar,

¹¹ neipung'oki ninye ꞉lmalaika la Laitoriani, neitache ta mbata e tetene e lperere la lasar orropili.

¹² Kore payie edol ꞉Sakaria, neiputukuny, neguretu.

¹³ Nejoki ꞉lmalaika, <

¹⁴ Naa itum iyie ng'ida kitok, neng'idakino lkumo inoto enye.

¹⁵ Amu kore ninye, naa keaku kitok tekue Laitoriani. Nememat naichuo e lmusabibu anaa ndarpoi, naa keiput ninye ꞉Ltau Sinyati, abaki ewuon etii nkocheke e ng'otonye.

¹⁶ Naa kerrinyoki ꞉ninye ltung'ana le Isirael kumo netii Laitoriani Nkai enche.

¹⁷ Neituruk tekue Laitoriani, to mpukunoto o to ngolon ee Elija, paa kore ltauja loo loo menye, neiwuatuwuataki nkera enche. Neiwuatuwuataki sii ltung'ana lemening'icho ng'eno ee ltung'ana loosipat, neitibiraki Laitoriani ltung'ana ooterretenete.>>

¹⁸ Nejoki ꞉Sakaria lmalaika, <>

¹⁹ Newoliki ꞉lmalaika ajoki, <

²⁰ Naa kore taata iming'anu, nimintoki aidim airoro, ana metabau inia parri naasai kuna baa, tankaraki eitu iruk rereii lainien oitabari ta ng'amata enche.>>

²¹ Kore ake eanyita ꞉ltung'ana Sakaria, neing'asia tankaraki keimalmala ta nkaji e Nkai.

²² Kore payie eipung'u ninye, naaku meidim airorie ninche. Neyielou aajo ketoduaa nduata e nking'asia taatua nkaji e Nkai. Neitodol ninche nkitodolunot, kake newuon aa ming'ani.

²³ Kore payie eichunye nkata e nkisiayiere enye ta nkaji e Nkai, nerrinyo alo nkang.

^24-25 Kore tesiedi nkiti kata, nenutai nkitok enye Elisabet, newuon ta nkaji meipung lapatin imiet. Nejo, <>

Limunoto e inoto e Yeso

²⁶ Kore ta lapa le ile le nutai e Elisabet, neipaaya ꞉Nkai lmalaika Gabiriel, mechomo nkop e Galilaya, lkerenket oji Nasaret,

²⁷ neti nkoliontoi neitu eboitiere lee. Naa ketasayia apa ninye ꞉ltung'ani oji Yosep, le ntalochi e Daudi. Kore inia oliontoi naa keji Maria.

²⁸ Nelo lmalaika neti ninye nejoki, <>

²⁹ Kore ninye, neng'aing'ayu oleng tankaraki lomon la lmalaika, nejo ta ltau, <>

³⁰ Nejoki ꞉lmalaika, <

³¹ Naa kore iyie, inutai, niiu layieni, naa ing'amaki nkarna naji Yeso.

³² Naa keaku ninye kitok, neipoti ajo Nkerai e ꞉ilo ooisul pooki. Keicho ꞉Laitoriani Nkai ninye lorika le Daudi oara akuyia lenye.

³³ Neitore locho le Yakobo ntarasi, nemeata nkitoria enye nkiting'oto.>>

³⁴ Nejoki ꞉Maria lmalaika, <>

³⁵ Newoliki ꞉lmalaika ajoki, <

³⁶ Kore sii Elisabet e ntipat ino, naa ketunute nkayieni ta nkarrarro enye. Ketejoki apa kera ninye olipi, kake lapa le ile ele, le nutai enye,

³⁷ amu meatae ntoki nemeidimai ta Nkai.>>

³⁸ Nejo Maria, <> Neinyuototo lmalaika aing'uaa ninye.

Eisabaka ꞉Maria Elisabet

³⁹ Neinyuototo Maria inia ng'amata, nelo asiooyo nebaya lkerenket obo le nkop ee ldonyuo le Yuda.

⁴⁰ Nejing nkaji e Sakaria, neiroroki Elisabet.

⁴¹ Kore payie ening Elisabet nkirorokino e Maria, neiguran nkerai taatua nkocheke enye, neiput Elisabet ꞉Ltau Sinyati.

⁴² Nebuak to ltoilo sapuk nejo, <

⁴³ Aanyo payie aaitaasaki nanu ana, eji paa, ng'otonye Laitoriani lai nalotu natii?

⁴⁴ Amu kore payie aning nkirorokino ino, neiguran nkerai te ng'ida taatua nkocheke ai.

⁴⁵ Naa emayiana inia nairuko nchere, keitabari inia apa natiaka ꞉ninye Laitoriani.>>

Sinkolio le Maria

⁴⁶ Nejo Maria, <

⁴⁷ neng'idakino ꞉ltau lai Nkai, Laitejeunoni lai,

⁴⁸ tankaraki keing'ura mborron e nkaisiaayiani enye. Naa kore ang'asu taata, kaajo ntowuon pooki namayiana,

⁴⁹ amu aaitaasa Lopeny ngolon mbaa kutuaa, naa keisinyati nkarna enye.

⁵⁰ Naa kore lng'er lenye too lolo oourie ninye, naa kebik ntowuon o ntowuon.

⁵¹ Etaasa mbaa kutuaa e ngolon ta nkaina enye, nesachaa lolo oaata nkilacha taa mparrunot ee ltauja lenche.

⁵² Neitodou lkutuaa too lorikan lenche le nkitoo neiliepie lolo oobor.

⁵³ Neitiemu loaata sumach too ntokitin supati, nerriny lparakuo taa nkaik naarok.

^54-55 Neret Isirael laisiaayiani lenye, payie eparraa lng'er lenye ta Abraam o ichioi enye ntarasi ana ilo lekutuk apa oitaka lmakui lang.>>

⁵⁶ Nebik Maria o ninye ng'amata nabana lapatin okuni, nerrinyo alo nkang.

Inoto e Yoana Laipatisani

⁵⁷ Nebau naa nkata naichuo Elisabet, neiu layieni.

⁵⁸ Kore latia o ntipat enye nening aajo keitoduaa ninye ꞉Laitoriani lng'er lenye kitok, neng'ida tenebo o Elisabet.

⁵⁹ Kore ta mparri e isiet, nepuonu aamurat nkerai, nesaan aang'amaki nkarna e papa lenye Sakaria.

⁶⁰ Kake newoliki ꞉ng'otonye ajoki, <>

⁶¹ Nejoki ꞉ninche, <>

⁶² Neirorie ꞉ninche menye taa nkaik, aaipar nkarna naichori nkerai.

⁶³ Neomonu nchata dapach naaiger. Neiger ajo, <> Neing'asia pooki.

⁶⁴ Nebolo nkutuk enye nabokata. Neng'asu aitoki airo arrep Nkai.

⁶⁵ Nejing ngureticho atua inia latia enche pooki, neimakini nana baa ta mbata pooki nabore lowuan e Yudea.

⁶⁶ Naa kore pooki ootining'o, nepik kuna baa atua ltauja lenche ejo, <> Amu kore nkaina e Laitoriani ketii tenebo o ninye.

Sinkolio le Sakaria

⁶⁷ Kore Sakaria papa lenye, neiput ꞉Ltau Sinyati, neibonu ajo,

⁶⁸ <

⁶⁹ Naa keitacheyie Laitejeunoni ogol, ta ntalochi e laisiaayiani lenye Daudi,

⁷⁰ ana netejo apa too Loibonok lenyena sinyat,

⁷¹ meeitejeuni iyioo taa lmang'ati lang o taa nkaik ee lolo pooki ooiba iyioo.

⁷² Keing'erru lmakui lang, neparru lning'o lenye sinyati,

⁷³ aa ilo lmumai otamie papa lang Abraam,

⁷⁴ nelaku iyioo taa nkaik ee lmang'ati lang, payie kitum aaisiaayia mikiata ngureticho

⁷⁵ te sinyaticho o tee sipat, tekue ninye te nkichon ang pooki.

⁷⁶ Kore iyie nkerai ai, naa ikiji loiboni le Ilo ooisul pooki, tankaraki inturuk tekue Laitoriani nintorioo nkoitieii enyena,

⁷⁷ Ninteyielo ltung'ana lenyena njeunoto ta mpalikinoto ee ng'ok enche,

⁷⁸ tankaraki kenana Nkai ang ocheke. Kore tankaraki inia, keipung'oki iyioo wong'an e nkakenya nadou eing'uaa chumata,

⁷⁹ paa kore lolo oowueni taatua naimin o loip lo lkiye, neitoong, neteeyo nkejek ang to nkoitiei e seriani.>>

⁸⁰ Kore inia kerai, nebulu, neponikino ngolon e Ltau Sinyati, nebikoo to lkees ana metabai mparri naibalie koon too ltung'ana le Isirael.