Asat 8 - Samburu

¹ Netachamayie sii Saulo metari Sitepano. Kore ake inia parri, neng'asuni aaitam sina kitok lolo tung'ana le nkanisa e Yerusalem. Nesachari ninche pooki aaisigaki Yudea o Samaria, mara ake lkipaareta.

Eitama ꞉Saulo ltung'ana le Nkai sina

² Kake kore eyia, nenukaa ꞉lewa oourie Nkai Sitepano, neichir oleng tankaraki ninye.

³ Nejing'aa ꞉Saulo nkajijik enyok aaraa ltung'ana le Nkai, neibung lewa o ntomonok, nepik jila.

Etilikoyieki Lomon Supati ta Samaria

⁴ Kore lolo pooki oiruko Kristo netasachayieki, nemanaa alikoo Lomon Supati.

⁵ Nedoyio Pilipo alo lkerenkent oji Samaria, neliki ltung'ana le inie lomon le Kristo

⁶ Kore payie ening lolo turrurri lomon le Pilipo nedolita mbaa naasita ninye naaitodolu nkitoo e Nkai, neur nkiyiaa tanaboicho aaning nejoito ninye.

⁷ Kore taatua ltung'ana kumo oaata lairiruani, neipung'u ꞉lairiruani ebuakita too ltoilochi kutuaa, neichiunyieki sii lkumo ootigiligilete o lng'ojinia.

⁸ Nejing ilo kerenket ng'ida kitok oleng.

Meinyiang'uni nkichooroto e Nkai

⁹ Kore apa te ilo kerenket naa keatae ltung'ani oji Simon, oirupucho neing'asia ltung'ana le Samaria, nejo apa kera ltung'ani kitok oleng.

¹⁰ Kore ltung'ana pooki, kutuaa o lkunini neur nkiyiaa nejo, < >>

¹¹ Neur nkiyiaa aainining amu keing'asia nkaisicho enye ninche ta nkata naado.

¹² Kake kore payie eiruk ꞉ninche Pilipo olikita Lomon Supati ooipirita nkitoria e Nkai o nkarna e Yeso Kristo, neipatisi ninche, lewa o ntomonok.

¹³ Neiruk abaki ꞉Simon ninye neipatisi, neirukurukore Pilipo ng'oji pooki nelo. Naa kore edolita mbaa kutuaa naasita Pilipo, naaitodolu nkitoo e Nkai o mbaa e nking'asia, neing'asia.

¹⁴ Kore payie ening Lkipaareta otii Yerusalem nchere ketang'amaitie ltung'ana le Samaria rerei le Nkai, nerewaki ninche Petero o Yoana.

¹⁵ Nebau ninche inie, noomonoki ltung'ana payie etum Ltau Sinyati,

¹⁶ amu kore apa lolo tung'ana keipatisaki ta nkarna e Laitoriani Yeso metaa lenyena, kake ewuon eitu edoki ꞉Ltau Sinyati.

¹⁷ Neiteleki ꞉Petero o Yoana ninche nkaik, netum Ltau Sinyati.

¹⁸ Kore payie edol Simon ajo ketumi Ltau Sinyati teneiteleki ꞉Lkipaaret ltung'ana nkaik, neicho ninche ropiyiani

¹⁹ nejoki, <>

²⁰ Nejoki ꞉Petero ninye, <

²¹ Kore iyie naa meata ntoki ning'ar o iyioo tana kitoria, nemeata ntoki nitum, amu kore niparraa ta ltau lino naa mara supat tekue Nkai.

²² Mbelekenyaii tung'ai kuna parrunot torrok nikiti ltau, niomon Laitoriani paa tanaa keidimai, nikipaliki.

²³ Amu kadol ajo iata lom torno, niena too ng'ok.>>

²⁴ Nejoki ꞉Simon ninche, <>

²⁵ Kore payie elimu sipata enche aaipidaki, netilikoitie rerei la Laitoriani, nerrinyo Petero o Yoana Yerusalem. Kore epuoito nelikoo Lomon Supati taa nkang'ite kumo e Samaria.

Eipatisa ꞉Pilipo lkitok le nkop e Etopia

²⁶ Nejoki ꞉lmalaika la Laitoriani Pilipo, <>

²⁷ Neinyuototo ninye alo inie. Kore payie ebaki inie, netum ltung'ani kitok oitacheki parakuoicho pooki e Kandase, nkinkii e Itopia, naa kore ilo tung'ani naa lmong'o. Kechomo apa ninye Yerusalem aomon,

²⁸ naa nkang enye echuko aloito inia kata, eisomita mbuku e loiboni le Nkai Isaya to ltoilo sapuk ewuon te nkeper e nkarri enye nayiataa ꞉mbartan.

²⁹ Nejoki ꞉Ltau Sinyati Pilipo, <>

³⁰ Nekuetiki Pilipo inia arri, nening ilo tung'ani eisomita mbuku e loiboni le Nkai Isaya, nejoki, <>

³¹ Nejoki, <> Neitoomon Pilipo metidira awuon tenebo o ninye.

³² Kore neisomita ninye too Lkigerot Sinyat naa ene: <

³³ Kore eitamitae anyit, neitu etum nkiguana naichiaakino. Ng'ae oidim aimaki ichoi enye? Amu ketooruaki ninye nkichui enye tene to nkop.>>

³⁴ Neitoki ꞉ilo kitok ajoki Pilipo, <>

³⁵ Neng'asunyie taa Pilipo ilo rerei oisomita duo, aliki ninye Lomon Supati le Yeso.

³⁶ Kore eibung'uta ninche nkoitiei aapuo netum nkare, nejoki ꞉ilo kitok Pilipo, <>

³⁸ Neitanapicho ilo kitok meitacheyieki inia arri, nedoki ninche pukura nkare, neipatis ꞉Pilipo ninye.

³⁹ Kore payie eipung'u ninche taatua inia are, neya ꞉Ltau Sinyati la Laitoriani Pilipo, metaa eitu eitoki adol ninye. Neibung ilo tung'ani nkoitiei alo eng'ida.

⁴⁰ Kore Pilipo, nedoli etii lkerenket le Asoto, emanaa too lkerenketi pooki elikoo Lomon Supati ana metabaki lkerenket le Kaisaria.