Asat 3 - Samburu

Eichiunyie ꞉Petero ltung'ani otigilgile oomonicho

¹ Kore mparri nabo, neiliep Petero o Yoana aapuo nkaji e Nkai nkata e nkomono saai saal e mparkiji.

² Neyauni inie ltung'ani otiiwuaki etigiligile. Keiteperi chiaake to ltim oji Ltim Supat le nkaji e Nkai mperot pooki, payie etum atoomonu ropiyiani too ltung'ana oojing atua inia aji.

³ Kore payie edol ꞉ninye Petero o Yoana etaa keimu ltim aajing nkaji e Nkai, neomon ninche ropiyiani.

⁴ Nekurraki ꞉ninche ninye nkonyek nejoki ꞉Petero, <>

⁵ Neunoki ninche nkonyek aing'or ejo kebaki naa ntoki eicho.

⁶ Kake nejoki ꞉Petero, <>

⁷ Neibung nkaina enye e tetene neitachayie meinyuo, kore ake inia kata negolu ndapi o nkupulito ee nkejek enyena.

⁸ Nejo chut aitache tee nkejek enyena neng'asu aloolo. Nejing atua nkaji e Nkai tenebo, eloolo, neipirri, neisis Nkai.

⁹ Nedol ninye ꞉ltung'ana eloolo, neisisita Nkai,

¹⁰ neyielou aajo lochi tung'ani chiaake ele owuon aomonicho to nkutuk e ltim le nkaji e Nkai oji supat. Neing'asia ninche oleng, inia nataase te ninye.

Etilikoyie Petero taatua nkaji e Nkai

¹¹ Kore eibung'uta ꞉ilo tung'ani Petero o Yoana, nekuetu ltung'ana eing'asiate pooki inie netii ninche. Kore inie ng'oji naa keji loip le Solomon.

¹² Kore payie edol ꞉Petero ana nejoki ninche, <

¹³ Kore Nkai e Abraam o ne Isaka o ne Yakobo, Nkai ee lmakui lang, naa ninye nayanyita laisiaayiani lenye Yeso aas ana. Ele Yeso inchooitie, nianyiyany tekue Pilato abaki etudung'o ajo kelakuni ninye.

¹⁴ Kake itanya ntae Ilo Sinyati oara loosipat, nisimaa metalakuni ilo arani.

¹⁵ Kake kore ilo oing'uaa ꞉nkichui niarar, neitipiu ꞉Nkai ninye taatua lootuata, nikiata iyioo sipata e inia.

¹⁶ Kore ngolon e nkarna e Yeso naa keitogolo ele tung'ani, liyielolo chiaake nidolitata taata netiu tankaraki nkurukoto e inia arna. Kore inia kurukoto, naa ninye naichiunyie ele tung'ani tekue ng'onyek inchi pooki katukul.

¹⁷ <

¹⁸ Naa keitabayie Nkai inia natejo apa ewuon eng'or nkata too loibonok lenyena pooki nchere, kore kenya ilo Aitejeunoni le lekutuk lenye naa ketum sina.

¹⁹ Erriidu naa, niwuatuwuatata, payie ejuti ng'ok inchi,

²⁰ nepuonu nkatitin naaing'uaa netii Laitoriani naayeng'iyeng'ie ntae, nerewaki ntae ilo Aitejeunoni otegelua aa ninye Yeso.

²¹ Naa meata ajo meng'amaa ninye ꞉chumata ana metabau kenya inia kata naitaa Nkai ntoki pooki supat ana netiu apake, ana netejo apake too loibonok sinyat lenyena.

²² Kedede ketejo apa Musa,

²³ Naa kore pooki lemening ilo oiboni, neworieki ltung'ana le Nkai neidaaya.>

²⁴ Amu kore lolo oibonok le Nkai pooki oiroro ang'asunyie Samuel o lolo oijipu ninye, naa ketilimutua aajo kepuonu kuna perot.

²⁵ Kore ntae naa irara lootum nana naatejo Nkai aimunyie loibonok lenyena o ne lning'o oitaka ninye loo papa linchi. Amu ketiaka apa ꞉Nkai Abraam,

²⁶ Ntae apa lekue ooterewaka ꞉Nkai ilo aisiaayiani lenye oipung'okinyie ntae payie emayian ntae. Naa kemayian ntae aiwuatuwuat pooki ng'ae metung'ai ntorrok enyena.>>