Asat 23 - Samburu

¹ Neing'ode ꞉Paulo inia kiguana ee lpayiani nejoki, <>

² Nejoki ꞉laitainoni kitok la lasar oji Anania lolo tung'ana ooitachoo tabata Paulo, metoocho nkutuk.

³ Nejoki ꞉Paulo, <>

⁴ Kore lolo ooitachoo tabata Paulo nejo, <>

⁵ Nejoki ꞉Paulo, < >>

⁶ Kake kore amu keyielo Paulo ajo, kore lbata lenche naa Sadukayo nera lkulie Lparisayo, nebuak ening'ito pooki ejo, <>

⁷ Kore payie ejo nejia, neikarnyasa Lparisayo o Sadukayo, nejing'u woro kitok atua ninche.

⁸ Amu kore apa Sadukayo naa kejo meatae mpiunoto to lootuata, nemeatae lmalaikani tanaa ltauja torrok, kake kore Lparisayo naa keiruk aajo keatae pooki.

⁹ Nejing'u ninche lolemilemi kitok atua, neinyuototo laiteng'enak loo nkitanapat le mbata ee Lparisayo aitacheyie oleng inia duata ee Lparisayo nejo, <>

¹⁰ Neaku inia nchankar kitok, neguretu laduo kitok loo sikarini pooki ootalakua duo Paulo, ejo kebaki naa keichu lolo tung'ana ninye. Nejoki sikarini meyau ninye teinie nabokata atua inia kampi enche.

¹¹ Kore inia kuarie neipung'oki Laitoriani Paulo nejoki, <>

Lmumai oarieki Paulo

¹² Kore payie eikienyu nenya Lyiaudi lmumai pee menya ndaa nemematicho, ana metara Paulo metua.

¹³ Naa kore apa ꞉lolo tung'ana oaatama ilo mumai, naa kerepaa artam.

¹⁴ Nepuo netii laitainok kutuaa la lasar o lpayiani loo Lyiaudi nejoki, <

¹⁵ Naaku naa, kore ntae laitainok kutuaa la lasar o nkiguana ee lpayiani, enterewaki taata lkilikuai lkitok loo sikarini pooki lene meitodoki ntae ninye, intaakinono ijoijo payie ing'uraa aasipu mbaa naadung'okinyieki ninye nkiguana. Naa kore ewuon eitu ebau ninye ene, naa ikiterretenete iyioo payie kiar ninye metua.>>

¹⁶ Kore payie ening ꞉layieni le nkanache Paulo inia, nelo atua kampi ee sikarini neliki ninye.

¹⁷ Neipotu ꞉Paulo lkitok obo loo sikarini pooki nejoki, <>

¹⁸ Nerik netii ilo kitok nejoki, <>

¹⁹ Neibung ꞉ilo kitok ooitore sikarini pooki ilo barnoti nkaina, neikonyi aiwuang'ie nejoki, <>

²⁰ Nejoki, <

²¹ Kake mincho ꞉ninche kisapaki, amu ketijing'a lbata lenche oorepaa artam nkurruna aanyu ninye payie ear metua. Naa ketama lmumai tenebo ejo menya ndaa tanaa emat ntoki ana metara ninye metua. Keidipa aaterretenata paa iyie ake eanyuta nchoo ninche inia nayieu.>>

²² Nejoki ninye ilo barnoti mechomo kake neitaarriyian ajoki, <>

Ewaki Paulo Kaisaria

²³ Neipotu ꞉ilo kitok loo sikarini pooki, lkutuaa oare lenyena kunini nejoki, <

²⁴ Nirotokiki abaki Paulo mbartan naadir, nintabakiki ninye eserian Pelikis ooitore ana nkop e Isirael.>>

²⁵ Neiger ilo kitok loo sikarini pooki mpalai ajo inchi:

²⁶ Kore ana palai, naa nanu Kilaudio Lisias oigero. Kairoroki naa iyie Pelikis lkitok oayanyiti.

²⁷ Kore ele tung'ani naa keibung'a ꞉Lyiaudi nenyokita aajo entar, kake nairrachu o sikarini lainien namitu, amu kayewuo apa ayielou ajo kera ltung'ani oigero to nkop ee Rroman.

²⁸ Naa kore apa amu kayieu nayielou larrabal oaatayie Lyiaudi ninye, naicho meitodouni aayau tekue inia kiguana ee larikok lenche.

²⁹ Nayielou ajo kore larrabal oaatayieki ninye naa nchankar tankaraki nkitanapat enche. Kake eitu adol ntoki teinia nadung'okinyieki ninye lkiye tanaa payie eeni te jila.

³⁰ Kore payie aaibalakinyieki aajo ketipika ninche loseg oaarie ninye metua, nareuu nabokata nitii. Natilika lolo oaatayie ninye larrabal mikitiliki iyie payie itum atudung'oki nkiguana.

³¹ Neas lolo sikarini inia natiakaki aaya Paulo kuarie ana metabai lkerenket le Antipatiris.

³² Kore mparri naijipu inia, neicho ꞉laaduo sikarini oare kutuaa lolo sikarini loo mbartan mewa Paulo Kaisaria, nechuko ninche aapuo kampi nawuenie te Yerusalem.

³³ Kore payie ebaya lolo sikarini oayaita Paulo Kaisaria, neicho ilo kitok loo Rroman oitore nkop e Isirael inia palai naigerokaki, neitabaki ninye Paulo.

³⁴ Neisom ninye inia palai, neipar Paulo le nkop nara. Kore payie eyielou ajo Kilikia eing'uaa

³⁵ nejoki, <> Nejo meirritae Paulo taatua inia aji naaitorichiere apa Erode.