Asat 2 - Samburu

Lotunoto e Ltau Sinyati

¹ Kore ta mparri nanyeitae ntasim e Pentekost, naa ketii apa looiteng'eni pooki tenebo.

² Kore ake inia kata, nening'oi ltoilo te chumata otuwuana siwuo okutu to ngolon, neiput inia aji pooki natii ninche.

³ Neipung'oki ninche ꞉ntokitin naatuwuana lng'ejepa le nkima, newuenie nkue e pooki ng'ae otii inie.

⁴ Neiput ninche pooki ꞉Ltau Sinyati, neng'asu aairo to nkulie nkutukie, ana naidimie ꞉Ltau Sinyati ninche.

⁵ Naa kore apa inia kata, ketii Lyiaudi inie oourie Nkai oaamanya Yerusalem ooing'uaa loreren pooki le nkop.

⁶ Kore payie ening ele turrur ele toilo, neiturrurrunyie, neing'olng'ola tankaraki meata leitu ening nkutuk enche eirorita lolo tung'ana.

⁷ Neing'asia oleng nejo, <

⁸ Naa aanyo payie kining'ito iyioo ninche meata lemeirorita nkutukie ang?

⁹ Kore iyioo naa ikira le nkutuk ee Lpartian o nee Lmedes o nee Elamaiti, netii loaamanya Mesopotamia o Yudea o Kapadokia o Pontos o Asia,

¹⁰ o Paragia o Pampilia netii looing'uaa Misiri o mbat e Libia naanyikita lkerenket le Kirene, o lomon ooing'uaa Rrom, aa Lyiaudi o lolo oaataa Lyiaudi.

¹¹ Niking'uaa sii nkop e Kirete o Arebia. Nikining'ito sii ninche eiro too nkutukie ang mbaa kutuaa e nking'asia naataasa Nkai.>>

¹² Neing'asia nelau nejo neipara aajokino, <>

¹³ Kake kore lkulikae, neikordod aajo, <>

Eirorie ꞉Petero lturrur

¹⁴ Neinyuototo Petero aitache tenebo o lolo kulie kipaareta tomon obo tekue ilo turrur, nejoki lolo tung'ana to ltoilo kitok, <

¹⁵ medede inia nijeitoto eji kemera kulo tung'ana! Amu kore taata naa saai ake uni e siran.

¹⁶ Kore naper etiu naa ana, ketejo apa Nkai to loiboni lenye Yoel nchere,

¹⁷

¹⁸ Naa kore kenya tee nenia perot kaicho Ltau lai Sinyati, abaki laisiaayiak lainien, lewa o ntomonok, neibonicho ninche.

¹⁹ Naa kaitodolu mbaa e nking'asia te nkeper e nkai, o nkitodolunot naaitodolu nkitoo ai to nkop, lodo o nkima o mpuro nairrucha.

²⁰ Keroku ndama aaku naimin, neaku lapa lodo, ewuon eng'or inia parri kenya kitok e nking'asia e Laitoriani.

²¹ Naa kore pooki ng'ae oipotu reto ta nkarna e Laitoriani, naa keitejeuni.>

²² <

²³ Kore nataase te ele tung'ani naa inia apake nategelua Nkai te yieunoto enye. Ketipikaki ninye nkaik inchi, ninchocho lolo oreren lamara loo Lyiaudi meteche to lmusalaba near metua.

²⁴ Kake neitipiu ꞉Nkai ninye taatua lootuata, neitai taatua mion e lkiye, amu meidimai apake payie eitore ꞉lkiye ninye.

²⁵ Kore apa Daudi, naa inji sii etejo taa mbaa naaipirita ninye:

²⁶ Tankaraki inia keng'ida ltau lai, nearany nkutuk ai te ng'ida kitok, neata abaki sesen lai siligi,

²⁷ amu ming'uaa iyie nkichui ai te nemeneng'a nimincho Sinyati lino meisamisa.

²⁸ Ikintoduaa iyie nkoitiei e nkichui, naa ikimputaki ng'ida tanadol nkomom ino.>

²⁹ <

³⁰ Kera apa ninye loiboni le Nkai, neyielo ajo keitaka ꞉Nkai ninye lmumai le lekutuk nchere, kore lobo le ichoi enye naa kechori lorika le nkitoo enye.

³¹ Ketodua ninye mpiunoto e Kristo ewuon eng'or neimaki ajo, meing'uari taatua nemeneng'a, nemeisamisu sesen lenye.

³² Kore ele Yeso naa keitipiwua Nkai ninye, naa ikilimu iyioo pooki sipata e inia.

³³ Naa kore payie eiliepieki ninye metowuana ta nkaina e tetene e Nkai, neng'amaa ilo Tau Sinyati ta Papa oitayia apa lekutuk ajo keicharu, naa Yeso eing'uaa nenia nidolitata, nining'itoto.

³⁴ Amu eitu apa eiliep Daudi alo chumata, kake netejo,

³⁵ ana maitodou lmang'ati linono aitaa lorika loo nkejek inono.>> >

³⁶ <>

³⁷ Kore payie ening ltung'ana ana, nedung'o nkochuaa nejoki Petero o lolo kulie kipaareta, <>

³⁸ Nejoki ꞉Petero ninche, <

³⁹ Amu kore ele lekutuk naa linchi o loo nkera inchi o lolo pooki ooing'uaa nkopi naalakua, o lkulie pooki ooipot ꞉Laitoriani Nkai ang metaa lenyena.>>

⁴⁰ Neitaarriyian ꞉Petero ninche aitarrap too lkulie rerei kumo ajoki, <>

⁴¹ Kore apa lolo pooki oaatang'amaitie ilo kilikuai lenye, neipatisi. Neikenakini inia parri atua lolo tung'ana lolo ooiruko Kristo, matejo ltung'ana nkalupuni uni.

Nchula ee lolo ooiruko ꞉Yeso

⁴² Neibung ninche aitirrichaki nkiteng'ena ee Lkipaareta o nchula ee ltung'ana ooiruko Yeso o ngilata e mukate e ndaa e Laitoriani o nkomono.

⁴³ Neiput ngureticho pooki ng'ae, neasai mbaa e nking'asia, neitodolu Nkai nkitoo enye too Lkipaareta.

⁴⁴ Kore lolo pooki ooiruko Yeso naa ketumo chiaake tenebo, neng'ar ntokitin pooki naata.

⁴⁵ Nemir lchampai lenche o ntokitin enche pooki, neoriki pooki nenia ropiyiani, meata leitu eichori ana naairirikino ninye.

⁴⁶ Kore mperot pooki, nepuonu ninche aatumo tee lning'o taatua nkaji e Nkai. Negil mukate e ndaa e Laitoriani taa nkang'itie enche te ng'ida o taa ltauja supati,

⁴⁷ eisis Nkai netumo omom too ltung'ana pooki. Neponiki Laitoriani mparri pooki lolo ooitejewuaki atua ilo turrur lenche.