Asat 13 - Samburu

Eirruaayieki Barnabas o Saulo

¹ Kore apa ta nkanisa e Antiok naa keatae loibonok le Nkai o laiteng'enak aa Barnabas o Simion oji Lorok o Lusio lo lkerenket oji Kirene o Saulo o Manaen otubulua tenebo o Erode oara apa larikoni le Galilaya.

² Kore esaita ꞉ninche Laitoriani neteena nkutukie, nejoki ꞉Ltau Sinyati, <>

³ Neen ꞉ninche nkutukie, neomon, neiteleki Barnabas o Saulo nkaik, nereu mechomo.

Mparri nabau Saulo nkop naji Saipiras

⁴ Kore naa payie eirruaaya ꞉Ltau Sinyati Barnabas o Saulo, nedoyio aapuo lkerenket le Seleusia, neitoki aapuo te meli lkuran oji Saipiras.

⁵ Nepuonu lkerenket otii inie oji Salamis, nelikoo rerei le Nkai taatua Sinagogini ee Lyiaudi. Kore apa Yoana oitokini ajo Marko oara laisiaayiani lenche naa ketii tenebo.

⁶ Kore payie edung ꞉ninche inia kop pooki ana metabai lkerenket oji Papos, netum loiboni obo le sapare oirupucho loo Lyiaudi oji Bariyeso.

⁷ Naa ketii apa ninye tenebo o Sergio Paulo larikoni kitok loo Rroman oitore inia kop, oara apa ltung'ani ng'en oleng. Kore Sergio naa keata apa nkure e rerei le Nkai, neipotu Barnabas o Saulo.

⁸ Kake kore laduo airuponi oitokini aajo Elimas too nkutuk ee Lgirriki, neiboyoo ninche, nenyok aitopong'oo ilo kitok payie meiruk Yeso.

⁹ Kake kore Saulo oitokini aajo Paulo, eiputa ꞉Ltau Sinyati, neing'or aing'ode ninye

¹⁰ nejoki, <

¹¹ Kore taata naa ikioch iyie Laitoriani ta nkaina enye, nimodoku, nimintoki adol ndama te nkiti kata.>> Kore ake inia kata neirupurupu nkonyek enyena, nemodoku, nemanaa ayiaya ltung'ani oibung nkaina arik.

¹² Kore payie edol ilo kitok inia nataase neiruk, neing'asia teinia naiteng'enaki naipirita Laitoriani.

Etilikoitie Paulo o Barnabas te lkerenket le Antiok otii Pisidia

¹³ Neinyuototo Paulo o lboitiei lenyena te ilo kerenket le Papos te meli aalang'aki lkerenket oji Perga otii mbata e Pampilia. Neing'uaa ꞉Yoana oitokini aajo Marko ninche teinie nechuko alo Yerusalem.

¹⁴ Nelo Paulo o Barnabas te lkerenket le Perga oitokini sii aajo Antiok e Pisidia. Kore mparri e Sabato nepuo Sinagogi nejo siap aawueni.

¹⁵ Kore tesiedi nochi kata naisomi mbuku ee nkitanapat o loibonok le Nkai, neirruaaya ꞉lkutuaa le Sinagogi meipotuni ninche ejo, <>

¹⁶ Neinyuototo Paulo, neapaki ltung'ana nkaina nejoki, <

¹⁷ Kore Nkai ee kulo tung'ana le Isirael, naa ketegelua lmakui lang, neitaparakuon too suom o too ltung'ana etii nkop eiching'a naji Misiri, nerikoo ta nkaina enye nagol aipung'unyie taatua inia kop.

¹⁸ Kore taa larin artam, neng'iri ꞉ninye ninche te lkees.

¹⁹ Kore payie ear lochon sapa le nkop e Kanan, neicho inia kop metaa nenche.

²⁰ Kewa ana larin oaabaya 450. Naa kore tesiedi ana, negelaki ꞉Nkai ninche laiguanak oorik ninche ana metabaki ng'amata e ilo oiboni le Nkai oji Samuel.

²¹ Neomon ltung'ana Samuel meichori lkinkii, neicho Nkai ninche Saulo layieni le Kich, lo lmarei le Benjamin, neitore ninche larin artam.

²² Kore payie eworu Nkai Saulo lorika, neiliepunyie Daudi metaa lkinkii. Nelimu sipata naipirita ninye ejo, >>

²³ Neitoki Paulo ajo, <

²⁴ Kore apa ewuon eitu eng'asu Yeso siaai lenye, naa ketilika ꞉Yoana ltung'ana pooki le Isirael nkipatisare naitodolu ajo keirriiditua ng'ok enche.

²⁵ Kore eidipita Yoana siaai enye nejo,

²⁶ <

²⁷ Kore lolo tung'ana oaamanya apa Yerusalem o lkutuaa lenche, naa eitu eyielou aajo ng'ae Yeso, kake kore payie edung'oki nkiguana e lkiye naa keitabaitie rerei lo loibonok le Nkai ooisomi chiaake te mparri e Sabato.

²⁸ Naa kore abaki etala mbae nadung'okinyie lkiye, neomon ꞉ninche larikoni loo Rroman oji Pilato meichooi metari metua.

²⁹ Kore payie eidip aaitabai nenia pooki naaigeroki naaipirita ninye, neitodou sesen lenye to lmusalaba, nepuo aiteper to nkurarei.

³⁰ Kake neitipiu ꞉Nkai ninye taatua lootuata,

³¹ neipung'oki apa ꞉ninye mperot kumo lolo oiteng'eni lenyena ooirukurukore eing'uaa mbata e Galilaya ana metabaki Yerusalem. Kore taata ninche naa keliki ltung'ana lang sipata enye.

³² Naa ikiakita ntae Lomon Supati, nchere kore apa ilo lekutuk oitaka ꞉Nkai lmakui lang,

³³ naa keitabayie tee iyioo oaara nkera enche, te mpiunoto e Yeso. Keigero ana taatua Sinkolio le Nkai le oare nchere

³⁴ <

³⁵ <

³⁶ <

³⁷ Kake kore ilo oitipiwua Nkai taatua lootuata naa eitu eisamisu.

^38-39 <

⁴⁰ Naa entodol meirrachu ntae inia natejo apa lkipaareta nchere,

⁴¹ >>

⁴² Kore eipung'uto Paulo o Barnabas taatua Sinagogi, nejoki ꞉ltung'ana ninye payie eigil aanyau kulo omon ta Sabato naijipu.

⁴³ Kore payie esachari ltung'ana te inie, neirukurukore Lyiaudi kumo o lolo oourie Nkai oaatang'asutua aaibung nkurukoto ee Lyiaudi Paulo o Barnabas. Nereki aaliki ninche metowuana taatua munyani e Nkai.

⁴⁴ Kore ta Sabato naijipu, nedotunyie lkerenket pooki ainining rerei la Laitoriani.

⁴⁵ Kake kore payie edol Lyiaudi inia kumoi ee ltung'ana, neiput ninche lom neng'asu aany lomon le Paulo ejo medede inia najoito esujuta ninye.

⁴⁶ Kake nejoki ꞉Paulo o Barnabas ninche meata ngureticho, <

⁴⁷ Amu nejia apake eitanapa iyioo Laitoriani ajoki too lkigerot sinyat: >>

⁴⁸ Kore payie ening lkulie oreren inia, neng'ida ninche, neiliepie rerei la Laitoriani, naa kore lolo pooki ootegelakaki nkichon ee ntarasi, neiruk.

⁴⁹ Nebulaa rerei la Laitoriani too lubot pooki e inia kop.

⁵⁰ Kake nepuo Lyiaudi aajoki ntomonok naayanyiti neurie Nkai o lkutuaa le ilo kerenket mbaa nainyoyie yieuna naitamie Paulo o Barnabas sina, nemiraa ninche to nkop enche.

⁵¹ Neipiripiroki Paulo o Barnabas nkop nterit ee nkejek enche enang'aki nkaik, nepuo lkerenket le Ikoniam.

⁵² Kake kore looiteng'eni ootii Antiok neiput ng'ida o Ltau Sinyati.