Asat 11 - Samburu

Etong'oroyie Petero koon

¹ Nening Lkipaareta o lkulie ooiruko Yeso ootii mbat pooki e Yudea nchere, ketang'amaitie abaki ltung'ana lamara loo Lyiaudi rerei le Nkai.

² Kore payie eiliep Petero alo Yerusalem, nekusakan lolo ꞉Yiaudi ooiruko Yeso

³ aajoki, <>

⁴ Kake neng'asu Petero anyaki ninche mbaa ana neikuna payie easai ejoki,

⁵ <

⁶ Kore payie aaing'or atua asipu, nadol nkajijik pooki ee suom o nee ng'uesi naaju o naasipa, netii mpukunot pooki ee nkueeny.

⁷ Naning ltoilo laajoki,

⁸ Kake najoki,

⁹ Naaitoki ilo toilo ooing'uaa chumata ajoki nkata e are,

¹⁰ Neasaia ana nkatitin uni, neyiatari taa inia anka o ntoki pooki natii aachuk chumata.

¹¹ <

¹² Naajoki Ltau Sinyati mairukurukore ninche maata lng'ach. Naairukurukore aitoki nanu kulo alachera ile, nikipuo aajing nkang e ilo tung'ani oirriwua ninche.

¹³ Neliki iyioo ajo ketoduaa ꞉ninye lmalaika eitache taatua nkaji enye ejoki,

¹⁴ naa ikiliki ꞉ninye lomon likintejeu iyie o nkang ino pooki.>

¹⁵ <

¹⁶ Kore inia kata naparru natejo apa Laitoriani,

¹⁷ Amaa naa tanaa keichoo ꞉Nkai ninche inia kichooroto ana naichoo apa iyioo payie kiruk Laitoriani Yeso Kristo, ng'ae naa ara nanu payie aany inia nayieu Nkai?>>

¹⁸ Kore payie ening ninche ana, neing'uaa long'unyung'unyi neisis Nkai ejo, <>

Nkanisa natii Antiok

¹⁹ Kore apa lolo pooki oaatasachari aaisig tankaraki sina oitamitae looiruko Yeso, oatang'asua payie eri Sitepano metua, nepuo metabai nkop e Penisia o lkuran oji Saipiras o lkerenket le Antiok. Nemeatae hoo ltung'ani otilikita rerei le Nkai mara ake loo Lyiaudi.

²⁰ Kake kore lewa lbata loo lolo tung'ana ooing'uaa apa Saipiras o Kirene, oochomo Antiok, neng'asu aaliki ltung'ana loo Lgirriki Lomon Supati la Laitoriani Yeso.

²¹ Naa ketii nkaina e Laitoriani tenebo o ninche, neiruk ltung'ana kumo oleng neibelekenyakino Laitoriani.

²² Kore payie ebaki ele rerei nkanisa natii Yerusalem, neirruaaya ꞉ninche Barnabas mechomo Antiok.

²³ Kore payie ebaki ninye inie, nedol inia nataasa Nkai to munyani enye, neng'ida neitogol ninche pooki payie emut nabo taa ltauja lenche aawueni taatua Laitoriani.

²⁴ Kore apa Barnabas naa kera ltung'ani supat, obore Ltau Sinyati o nkurukoto. Neponikino ltung'ana kumo oleng atua ilo turrur la Laitoriani.

²⁵ Neinyuototo Barnabas alo Tarso ayiaya Saulo,

²⁶ kore payie etum, neya ninye Antiok. Netumore ninche nkanisa lari obo, neiteng'en ltung'ana kumo oleng. Naa ta Antiok apa eipotoki tekue looiteng'eni le Yeso aajo Le Kristo.

²⁷ Kore tee nenia perot, nepuonu loibonok le Nkai ooing'uaa Yerusalem Antiok.

²⁸ Kore lobo lenche oji Agabas, neinyuototo aibonu eutaa Ltau Sinyati, ajo kelotu nkolong kitok nkop pooki ee Rroman. Naa ketabayie apa ana te nkitoria e Kilaudio.

²⁹ Nechamaa looiteng'eni aajo kerewaki lalachera o nkanachera enche naatii Yudea reto, nemeata tee ninche lemeitai te nkidimata enye.

³⁰ Neas ninche inia natamakinete, neitanap Barnabas o Saulo inia reto meeyaki lpayiani le nkanisa.