Asat 10 - Samburu

Eisabaka lmalaika le Nkai Kornelio

¹ Keatae apa ta Kaisaria ltung'ani oji Kornelio, lkitok loo sikarini loo Rroman, oitore lturrur oji loo Ltalian.

² Nera ltung'ani ourie Nkai, nesai ꞉ninye Nkai e Isirael tenebo o nkang enye pooki. Neret tung'ana pooki oomena loo Lyiaudi, neomon sii Nkai nkata pooki.

³ Kore mparri nabo matejo saai saal e mparkiji, etuwuana keidetdetita nedol asipu lmalaika le Nkai oyewuo netii ninye ajoki, <>

⁴ Nekurraki lmalaika nkonyek to ngureticho nejoki, <> Nejoki, <

⁵ Rruai taata ltung'ana mechomo Yopa, meipotu ltung'ani oji Simon oitokini aajo Petero.

⁶ Kore ninye naa kera lomoni obikito ta nkang e Simon ilo akitoni loo lchonito o ndapan oamanya nchepata e mpaso.>>

⁷ Kore eidipa lmalaika oirorie ninye achomo, neipotu laisiaayiak le nkang enye oare o sikarii obo ourie Nkai, nera lobo loo lolo aisiaayiak oretito nkata pooki Kornelio.

⁸ Kore payie enyaki ninche ntoki pooki, neirruaaya mechomo Yopa.

Eitoduaa ꞉Nkai Petero nduata

⁹ Kore mparri naijipu inia etinyikayie saai ile e mparkiji, eibung'uta laaduo aisiaayiak nkoitiei netaa kebaki ilo kerenket, neiliep Petero aomon te nkeper e nkaji naiperere.

¹⁰ Near ninye sumach neyieuu ndaa nanya, naa kore eitibiritae ndaa neikonyi atuwuana keidetdet,

¹¹ nedol chumata ebolo o ntoki nadouta nkop. Kore ana toki naa ketuwuana nanka sapuk naitodoutae nkop eibung'utae sarkuda pukura oong'uan.

¹² Kore atua inia anka netii nkajijik pooki ee suom o nee ng'uesi naaju o naasipa netii mpukunot pooki ee nkueeny.

¹³ Nening ltoilo ejoki, <>

¹⁴ Nejoki, <>

¹⁵ Neitoki ilo ltoilo ajoki ninye nkata e are ejo, <>

¹⁶ Neasai ana nkatitin uni, nerrinyi nabokata inia anka aaya chumata.

¹⁷ Kore ake inia kata eomonito Petero, neiparu laapa ꞉tung'ana ooirriwuayie Kornelio nkaji e Simon ana metumo. Naa kore ake nochi naiting'ie inia duata, nebau ninche nkutuk e ltim ewuon ake erere Petero ayielou ntoki naipirita nduata.

¹⁸ Neipoticho eiparu aajo <>

¹⁹ Kore enyokita Petero arere ayielou ntoki naipirita inia duata, nejoki ꞉Ltau Sinyati ninye, <

²⁰ Inyuo todoi chomo irukurukore miata lng'ach, amu nanu oirriwua ninche.>>

²¹ Nedou ꞉Petero alo netii ninche nejoki, <>

²² Nejoki ꞉ninche, <>

²³ Neitoomon ꞉Petero ninche inia kuarie ana lomon lenyena. Kore mparri naijipu inia, neirukurukore ninche, neitoki sii lkulikae alachera le nkanisa e Yopa aapuo tenebo o ninye Kaisaria.

²⁴ Kore echomo ninche mparri nabo, nebaki Kaisaria. Neanyuta apa Kornelio ninche, neipoto sii ltung'ana lenyena o sotuatin meotu inie.

²⁵ Kore payie ebaki Petero inia ang, nelo Kornelio atumore ninye, neirrabalakino nkop tekue nkejek enyena, nesai ninye.

²⁶ Neinyoyie Petero ninye meitacho nejoki, <>

²⁷ Kore ake ewuon eirorie ꞉Petero Kornelio, nejing atua nkaji, netum ltung'ana kumo oleng ootuo tenebo inie.

²⁸ Nejoki ninche, <

²⁹ Naaku kore payie aaipotuni, neitu aany alotu. Kayieu naa nayielou mbae nikimpoitie.>>

³⁰ Nejoki ꞉Kornelio ninye, <

³¹ nejo,

³² Rruai ltung'ana Yopa meeipotu Simon oitokini aajo Petero, oara lomoni le Simon, lakitoni loo nchonito o ndapan oamanya nchepata e mpaso.>

³³ Naaipotu naa iyie wou nabokata, naa itaasa ntoki supat iyewuo. Naaku naa ikiotuo pooki tekue Nkai, payie kitum aatining inia nikitiaka Laitoriani.>>

Etang'amayie Kornelio o lkulikae Lomon Supati

³⁴ Neng'asu Petero airo ajo, <

³⁵ kake keng'amaa pooki ng'ae ourie ninye, neas sipat menya ajo le alo orere ninye.

³⁶ Iyielolo apa lomon oichoo ꞉Nkai ltung'ana lang lee Isirael elikoo Lomon Supati le sotua ooicharu Yeso Kristo, oara Laitoriani loo pooki.

³⁷ Ketilikoyieki kulo omon too lubot pooki e Yudea, ang'asunyie Galilaya, eidipe nkipatisare natilikoyie Yoana.

³⁸ Kore ana likoroto nitining'o naa keipirita Yeso le Nasaret, neikuna Nkai payie egelu ninye to ngolon e Ltau Sinyati. Ketamanayie apa ninye aas mbaa supati, neichiunyie lolo pooki ooitoria ꞉Chitani, amu ketii Nkai tenebo o ninye.

³⁹ <

⁴⁰ Kake neitipiwua Nkai ninye taatua lootuata ta mparri e uni, neicharu ninye metodoli.

⁴¹ Eitu eicho ꞉Nkai ninye metoduaa ꞉ltung'ana pooki le Isirael, mara ake lolo ootegelua apake payie etum aatilikoi sipata naipirita ninye. Naa iyioo taa lolo, oaatamata nikitama ndaa tenebo o ninye eidipa atipiu taatua lootuata.

⁴² Neitanapa iyioo payie kiliki ltung'ana lang nikintemioki nchere ninye taa etegelua Nkai metaa laiguanani loo loichu o lootuata.

⁴³ Ninye etilimutua loibonok le Nkai pooki aajo, kore pooki ng'ae oiruk Yeso naa kepalikini ng'ok ta nkarna enye.>>

⁴⁴ Kore ake ewuon eirorita Petero, nedoki Ltau Sinyati lolo ooning'ito ilo rerei.

^45-46 Kore tankaraki natining'o lolo Lyiaudi ooiruko Yeso ootuo tenebo o Petero ltung'ana lamara loo Yiaudi eiro too nkulie kutukie eisis Nkai, neing'asia payie edol aajo keichooki abaki ninche Ltau Sinyati ana nkichooroto. Nejo Petero,

⁴⁷ <>

⁴⁸ Neitanapicho meipatisi ninche ta nkarna e Yeso Kristo. Neomon ꞉lolo tung'ana Petero metowuana tenebo o ninche nkuti perot.