NENGSEKHI 99 - AMÜSA BAIBEL (BSI)Tsingrangba Amichahba Yangthsaba 1 Abüdongba tsü yangthsabong; nyitsarünü dhridhrire. Abi yangthsarü pümji Cherufim chah pümre ko limih tsü shühchire. 2 Abüdongba tsü Zion la akohba; yanglih apüm michah Abi amichahba. 3 Atümungnü Abi neng amülah ko ahechi tsü senung. Abi Amüsa! 4 Akohba yangthsaba, Nühnü yuje du müire; Nühnü Israel la yuje yohpüjüko; Nühnü Amüsaba ko yuje hirojüko. 5 Abüdongba Ihsa Tsingrang seing; Abi pümji te mübüng! Abi Amüsa! 6 Mosa ko Aron Abi bebürüti, ko Abi te dangkhidangnangba tsü Samuel; arühnü Abüdongba te züdecho, ko Abinü arüh te lalingcho. 7 Abinü arüh te nyükhi dongdi khu chotacho; arühnü Abi yuzengti bichicho. 8 O Abüdongba, I Tsingrang, Nühnü Nü müyurü te lalingko; Nühnü arüh münyi ngang arüh khingchinye, Nüh tsü mülang pehjübong Tsingrangepü arüh khyang müdhesohcho. 9 Abüdongba Ihsa Tsingrang seing, ko Abi Amüsa zong la mübüng! Abüdongba Ihsa Tsingrang Amüsa lile. |
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.
Bible Society of India