NENGSEKHI 98 - AMÜSA BAIBEL (BSI)Tsingrangba Limih Yangthsabong 1 Abüdongba te khi asi khüdu thsaang; Abinü anyemüyangnung nguchiko! Abi zii ko Amüsa renü, Abinü akoh tsü nguko. 2 Abüdongba-nü Abi akoh züdeko; Abinü akohba zii limih te müdhesohko. 3 Abinü Israelrü te yuje ko müthrehba amüinü Abi anyengchocho yohpüko. Limih apümnü Ihsa Tsingrang akhümcho nguko. 4 Limih apümnü Abüdongba te akünyangnü khi thsaang; akünyangnü anengsejo khi thsaang! 5 Abüdongba te nengsekhi thsaang! Tbenglah tii khi thsaang! 6 Rühti ko shujüh mehng, ko Ihsa yangthsaba, Abüdongba te akünyangnü züdeing. 7 Kihdi ko hütsüla liba apümnü khong; limih ko hütsüla liba atümungnü khi thsaang! 8 Yongkhiti, nührü kheh taang; azongti, Abüdongba jingte akünyangnü khi thsaang, 9 tunüo Abi limih la yangthsathsanung rore. Abinü limih yucho yuje ko Amüsanü yangthsanung. |
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.
Bible Society of India