NENGSEKHI 97 - AMÜSA BAIBEL (BSI)

Tsingrangba Amichahba Yangthsaba

¹ Abüdongba tsü yangthsabong! Limih, künyang! Mütrotinü künyang!

² Nyükhi ko amarürahnü Abi mükangti lile; Abinü yuje ko Amüsabala yangthsare.

³ Abi müngu michang würe ko mükangmüla Abi rorüti tahsehre.

⁴ Abi tsingchinü limih visasohre; limihnü hütsü ngure ko dhridhrire.

⁵ Limih apüm Abüdongba bete, azongti tsü xa roh-i shenah tsire.

⁶ Ningtinü Abi Amüsaba sobhore, ko yuchoti apümnü Abi ahechi ngure.

⁷ Kyothri mübürü apüm ashah khyüsohre; Abüdongba jingte tsingrangti atümung mükhukehsohre.

⁸ O Abüdongba, Nü yukhacho yuchi Zion nyitsarüti ko Juda yangditinü künyangre.

⁹ Akohba Abüdongba, limih apüm la Nüh yangthsarü; tsingrangti apüm tenü Nüh deenü adiu lile.

¹⁰ Sürünü amünyi thrünyiro Abüdongba-nü müire; Abinü amüyurüti tsungtire; Abinü arüh amütsarü khehlanü iichore.

¹¹ Avisanü Amüsarü chah here, ko atsarü chah akünyang rore.

¹² O nührü Amüsarü atümung Abüdongba la künyang, ko Abi neng Amüsa khyang nengse jüng!