NENGSEKHI 93 - AMÜSA BAIBEL (BSI)Tsingrangba tsü Yangthsabong 1 Abüdongba tsü yangthsabong. Abi ahechi ko tasenü jengkii lile. Limih tsü drengdreng yohpüle ko hütsü mühachinung mükoh. 2 Abüdongba, adikeh lanü Nü pümji tsü drengdreng lile, ko tusü mülidenü Nüh lijungcho. 3 O Abüdongba, kihjünü sah thsare; arühnü reng khongre. 4 Abüdongba-nü ninglangnü kihjü khongcho tenü adiu, kihdi kiloh tenü zii adiunü yangthsathsare. 5 Abüdongba, Nü yuzeng achangka mühle, ko Nü amübükuh tsü achangka müli Amüsa lile. |
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.
Bible Society of India