NENGSEKHI 87 - AMÜSA BAIBEL (BSI)

Jerusalem Secho

¹ Abüdongba-nü Abi yangdi Amüsa khang chah thriko;

² Israel la apa tenü Abinü Jerusalem yangdi alaa müire.

³ Nyieng, Tsingrangba yangdi, Abinü nü ahechi shulüm yore:

⁴ “I yochonyiba yuchoti thrahbülungde, Ijip ko Babylon nyühsü zehsohnung; Filistinrü, Tyre-rü ko Ethiopiarüsü Jerusalem mono yola khiyohnung.”

⁵ Zion shulüm hita yonung. Yuchoti apüm abükyü yo ko Akohbanü abükyü rezeh kangsohnung.

⁶ Abüdongba-nü yuchoti thrahbülungnung ko arüh atümung Jerusalem surokhung yola khiyohnung.

⁷ Arühnü khi thsa nyiichi yonung, “Zion tsü ihrü amüwa pohchehchah.”