NENGSEKHI 82 - AMÜSA BAIBEL (BSI)

Tsingrangba Amichahba Yangthsaba

¹ Ninglangrü ashimükhongla Tsingrangba-nü langnüre; tsingrangti ashimükhongla Abinü yuzikajüre:

² “Yujemücho yukhaba zahng, amütsarü te khüpakhüla tüthsa!

³ Ailümrü ko mürürü athsalang khüm; Dhsangthsirü ko mükumürurü te tsa bichieng.

⁴ Amütsarü khehlanü arüh khümchoung.

⁵ “Nührü khüta amümüdherü! Khüta adohrü! Nührü khüdupinü athsangnyang, ko limih lanü yuje tsü changpehko.

⁶ Ihnü yore, “Nührü tsingrangti lile, ‘ko nührü atümung Amichahba tsurüti.’

⁷ Ta nyitsarü roh-i nührü sünung; nührü akang yangthsarüti kyo changnung.”

⁸ O Tsingrang, rung ko limih chah yangthsang; tunüo yuchoti apüm Nüyo lile.