NENGSEKHI 8 - AMÜSA BAIBEL (BSI)

Tsingrangba Ahechi Ko Nyitsarü Jengreng

¹ O Abüdongba, ihrü Büdongba, Liküpla Nüh mülahcho ngure! Nü nengsenü ning chihko;

² Hütsü azarüti ko akhungarütinü thsako. Nü nyümrü atümung chahnü Nüh tsiphu ko khümcho lile; Nühnü Nü nyümrü masü yatichehle.

³ Nü khehthsiti ningchah Ihnü kehchü dhingde, Nühnü thri yohpüjücho chonu ko chenghiti chah dhingde,

⁴ Nühnü abi nengdang lümdhingnungthsa nyitsarü hi tuo, nyitsarü khüdu du; Nühnü abi lümxünungthsa tu?

⁵ Ta Nühnü Nüpu tenü thridunü apohkiba külüpcho, Nühnü abi adhichi ko ahechi kuthri thrijücho.

⁶ Akülüpcho michah Nühnü abi Abüdongrü thsanung throchehcho; Athricho apüm michah Nühnü abi yohpüjücho:

⁷ San ko misü ko rangmü kanglungrü michah miinü;

⁸ Uza ko ngu ko kihdi la kangzahti michah.

⁹ O, Abüdongba, ihrü Büdongba, Liküpla Nü mülahcho ngure.