NENGSEKHI 67 - AMÜSA BAIBEL (BSI)Nengse Jüba Khi 1 Tsingrangba, ihrü te chomang ko ihrü müwajüng; 2 limihnü, Nü lümcho müdhenungthsa; ko yuchotinü Nü akangcheh müdhenungthsa, ihrü chah müi dhing. 3 O Tsingrang, müyurütinü Nüh sesohng; müyurüti atümungnü Nüh sesohng! 4 Yuchoti künyangsohng ko akünyangnü khi thsasohng, tunüo Nühnü müyurüti yujenü yukhare ko limih chah yucho atümung nüre. 5 O Tsingrang, müyurütinü Nüh sesohng; müyurü atümungnü Nüh sesohng! 6 Alihnü abükyü singsih jüko; Tsingrang, Ihsa Tsingrang-nü Ihsa müwajüko. 7 Tsingrangba-nü Ihsa müwajüko; atümunglang müyurütinü Abi dhiching. |
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.
Bible Society of India