NENGSEKHI 61 - AMÜSA BAIBEL (BSI)

Tsungtinung Kihchicho

¹ I züdecho nyijüng, O Tsingrang; I dangkhidangnang nyieng.

² Alih changka ko alongdi müliba lanü Ihnü Nüte dsire! Atsikehchah atsa yang Ih nüng,

³ tunüo Nüh I tsungtirü, I rorüh nyüm I khümrü adrengdreng lile.

⁴ Nü Amüsa kuh la I akang ayung lisohng; Nü qo pohki Ih tsikehsohng.

⁵ O Tsingrang, Ihnü nyengchocho Nühnü yuchiko, ko Nü jengreng drürü yo Nühnü I khyang jüko.

⁶ Yangthsaba kutsüp yohpüjüng; abi lidu lisohng!

⁷ O Tsingrang, Nüte abinü lede yangthsasohng; Nü amüthrehba amüi ko longlangbanü abi tsungtieng.

⁸ Ihnü Nüte nyengchocho nyümong müthe mübücho kyo, Ihnü lede Nüte nengsekhi thsanung.