NENGSEKHI 6 - AMÜSA BAIBEL (BSI)

Chongchade Kihchicho

¹ Abüdongba, zii tüchüro ko Ih tükhata! Nü zichüro Ih tükhingchi.

² Ih kyahpehko, O Abüdongba; Ih müing! I khyang suhre jüng, Ih kyahsehpehko,

³ Ko I füpümshünü dee chongchale. O Abüdongba khütoi nyahli Ih mütronung?

⁴ Rung, ko Ih khümchoung, Abüdongba; Nü achomang la Ih asü lanü khümchoung.

⁵ Asülih la Nüh mülümchehnung; Hütsüla sünüsü Nüh müsenung.

⁶ Awahchonü Ih kyahpehko; Romang mükhu I nahshükihnü I chongnong zichehre; Nahshükihnü I thahkhangsing dhsangchehre.

⁷ Ihnü hariri du ngunung kohre; I rorüti thsacholanü atrachonü I nahtse bümtiko.

⁸ I tenü za tsieng, nührü amütsarüti! Abüdongba-nü I tracho yuchire;

⁹ Abinü I züdecho nyire ko I kihchicho lalingnung.

¹⁰ I nyümrütinü mütsara amükoh ngucho arühnü müdhenung; dhrongyeng yüyümingmingla arüh iipehnung.