NENGSEKHI 54 - AMÜSA BAIBEL (BSI)Atsungtinung Kihchicho 1 Nü ziinü Ih khümchoung, O Tsingrang; Nü tasenü Ih lehcheh müdheing! 2 I kihchicho nyijüng, O Tsingrang; Iyu yuchijüng! 3 Ih benung amüthsehrüti role; Tsingrangba mümüdherü nyitsarü amütsarünü Ih müpsehnyüre. 4 Ta Tsingrangba I trorü, Abüdongba I khümrü. 5 Tsingrangba-nü I rorüti arühbürü münyinü khingchisohng. Abinü arüh changjünung tunüo Abi longlangchehba. 6 O Abüdongba, Ihnü künyangseh Nü khyang kangmübü jünung; Ihnü Nü khyang nengse jünung tunüo Nüh atsa. 7 Nühnü chongcha apüm lanü Ih khümchoko, ko I rorüh kohjücho Ihnü nguko. |
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.
Bible Society of India