NENGSEKHI 52 - AMÜSA BAIBEL (BSI)

Tsingrangba Yukhaba ko Achomang

¹ Amütsa nguchila tuepü tüzümükhümro, Akurahrü? Tsingrangba amüi tsü achangka mühle.

² Nühnü aparü thsangnyangjünung lümchungre; nü müle tsü kuhehlu roh-i akoh. Nühnü lede arahkheh dochehre.

³ Nühnü atsa tenü amütsa, ko yuje tenü arahkheh alaa müire.

⁴ Nüh arahkhehrü, nü yunü nühnü bürü dhsakehjünyüre!

⁵ Hütsünü Tsingrangba-nü lede shulüm nüh thsangnyangjünung; Abinü nü kuh lanü nüh tphahcheh changjünung; Abinü akang lirü limih lanü nüh khyümüinung.

⁶ Amüsarünü hi ngunung ko drünung; hütsüde arühnü nüh münyodhing yonung,

⁷ “Dhing, hila Tsingrangba chah tsikehnung müyangchipü, apu kuthsi amülah chah longlang amütsala alongdi yohpüba nyitsarü khüdu lile.”

⁸ Ta Ihlü Tsingrangba kuh la yaba olive singdong kyo lile; Ihnü Abi müthrehba amüila müchangkapü longlangre.

⁹ Tsingrangba, Ihnü lede Nü nguchi nengdang Nüh senung; Nüh atsaepü Nü müyurü yola Ihnü sobhonung.