NENGSEKHI 43 - AMÜSA BAIBEL (BSI)

Yangtsila lirü khüdu Dangkhidangnang

¹ O Tsingrang, Ih langjüng, ko Tsingrangba mümüdherü nyüm Ih khüm; arahkhehrü ko amütsarü khehlanü Ih khümchoung!

² Nüh I tsungtirü lile; tuepü Ih thrüchahchüpehcho? I rorüh amütsa kheh la tuepü Ih hita chongchanung?

³ Nü atsingse ko yuje müthehchüng; arühnü Ih nüsohng ko Nü Amüsa Zion zong ko Nü liba Amübükuhlang Ih thali norosohng.

⁴ Hütsüde Nü bholu yang wünung, O Tsingrang; Nüh I akünyang pohchehji. Ihnü tbenglah tiinü nengsekhi thsanung, O Tsingrang, I Tsingrang.

⁵ Tuepü Ih hitoi longriro? Tuepü Ih hitoh-i chongcharo? Ihnü Tsingrangba chah I longdi yohpünung, ko adesü Ihnü I khümchobong, I Tsingrang nengsenung.