NENGSEKHI 3 - AMÜSA BAIBEL (BSI)

Anyangnyü Dangkhidangnang

¹ I münyehrü khütang lile, Abüdongba, I nyümrü khütang lile.

² Arühnü I nengdang chota yorü, “Tsingrangba-nü abi mütronung.”

³ Ta, Nüh O Abüdongba, dhsürüla I tsung; Nühnü I khyang akoh jüre ko I re zehchisohre.

⁴ Arüku nengdang Ihnü Abüdongba te züdere, ko Abi Amüsa zong lanü Ite lalingre.

⁵ Ih ngakehre ko yüpsehre, ko Abüdongba-nü ama ayung Ih khümchore.

⁶ Arorüh hajar adrongnü apümlangnü Ih dhsitinye Ihnü müdrüre.

⁷ Rung, Abüdongba, Ih khümchoung, I Tsingrang. Nühnü I rorüh apüm khingching ko arühnü Ih mükohnungthsa kangsohng.

⁸ Akohba tsü Abüdongba chahnü lile Abinü apu müyurü müwajüsohng.