NENGSEKHI 29 - AMÜSA BAIBEL (BSI)

Tsingxinyübongla Abüdongba Yuva

¹ Abüdongba seing, nührü ninglangrüti; Abi ahechi ko zii seing.

² Abüdongba ahechi neng seing; Amüsauba mishade Abi jingte mükhukehng.

³ Abüdongba yuva kihdi la yuchire; ko kihjüla Tsingrangba ahechi ningki ko Abi yuva yuchire.

⁴ Abüdongba yuva akohba ko ahechi la yuchire.

⁵ Abüdongba yuvanü Cedar singdong xehnahjüre, Lebanon la Cedar sing mii.

⁶ Abinü Lebanon azong misüza kyo ko Hermon zong misü bongtho kyo tsohchisohre.

⁷ Abüdongba yuvanü tsingchi chisohre;

⁸ Abi yuvanü lipilih shühchisohre; Abinü Kadesh lipilih shühchisohre.

⁹ Abüdongba yuvanü langsing shühchisohre ko nyitsarü atümung Amübükuh la “Tsingrangba Heching” pü züdede, singdong chahnü ava shohjore.

¹⁰ Abüdongba-nü kih asoh michah yangthsare; Abinü achangka müli yangthsare.

¹¹ Abüdongba-nü amüyurüti khyang re jüre ko arüh atbachinü müwajüre.