NENGSEKHI 26 - AMÜSA BAIBEL (BSI)

Nyitsarü Atsa Dangkhidangnang

¹ O Abüdongba, Ih langjüng, tunüo Ihnü yuje tsü nguchiko ko Nü chah khakhuchü yudsiko.

² Ih thsadsüng ko Ih düzodhing, Abüdongba; I lasih ko lümlong thsadsüng.

³ Nüh müthrehba amüi tsü I nyahrü; Nü longlangchehbala Ih nüre.

⁴ Adongmücho nyitsarü yola mümükhongre; Akhürahrü te Ih tu nguchi mühle.

⁵ Amütsa nguchirü Ihnü thrünyire ko Ihnü arüh mürire.

⁶ Abüdongba, Ih alanglangepü ngusohnung I kheh mütsahre ko mübü Nü bholu mükangre.

⁷ Ihnü nengsejüba khi thsare ko Nü anyemüyangnung nguchi nengdang yore.

⁸ O Abüdongba, Nü kuh ko Nü ahechi lichah Ihnü müire.

⁹ Münyirü yola Ih tüchangsoh; amüpsehrü sürünü lede amünyi nguchiro,

¹⁰ ko pohsa khyüchonung yingyaro arüh khehlanü Ih khümchoung.

¹¹ Ihnülü atsa du nguchire; Ite yanglilüm ko Ih khümchoung.

¹² Dhsürü apüm lanü Ih khümcho lile; hütsünü Abi müyurü ashimükhongla Ihnü Abüdongba sere.