NENGSEKHI 23 - AMÜSA BAIBEL (BSI)

Abüdongba Ihsa Nyahrü

¹ Abüdongba I san nyahrü; Ih tunü mümüdsinung.

² Abinü Ih rangnu yola kyashangsohre ko kihting amüdhseng yang Ih nüre.

³ Abinü I khyang suhsi jüre. Abinü yuje langla Ih nüre, Abinü nyengchocho kyo.

⁴ Ih asü amarürah khu tsinye, Ih tu müdrünung, Abüdongba; tunüo Nüh Ite lile; Nü tsih ko janü Ih tbachijüre.

⁵ Nühnü I rorüh bete tsingthsang chah, I khyang tsuyongnung rungnümjüre; Nühnü I thah chah tuji müyühjüre, I shing mülümthoh liijüre.

⁶ Yuje atsa ko yanglilüm akangli ayung Ite linung; Ko Ih Abüdongba kuh la müchangka linung.