NENGSEKHI 15 - AMÜSA BAIBEL (BSI)

Tsingrangba-nü Dhsütahba

¹ Abüdongba, Nü amübükuh la sü zürochehnung? Nü Amüsa Khang Zion chah sünü mübünung kohnung?

² Sünü lüpchola Tsingrangba yocho nyiro ko lede athsalang nguchiro, sü yu yuje ko longlangnung liro,

³ ko aparü nyüm be müsüsehro, abinü müyangrü mümüthikehsohre ko abürü kurümrü nengdang tsupohyupoh müchore.

⁴ Tsingrangba-nü thrüchahchüpehrü abinü münyüjüre, ta Tsingrangba yocho nyirü jengreng drüre. Tusü tusü thsanye lede abinü nyengchocho nguchire.

⁵ Abinü ajehyoh mükhyüpü nyasohre, ko mülang mülirü nyüm chonung pohsa mükhyüre. Sünü hiri nguchiro lede khümcho linung.