NENGSEKHI 149 - AMÜSA BAIBEL (BSI)

Nengse Khi

¹ Abüdongba seing! Abüdongba te khi asi thsaang. Amüsarü shimükhongchola Abi seing!

² Künyang, Israel, nührü külüpbong nengla; Künyang, Zion nyitsarüti, nührü yangthsaba nengla!

³ Abi neng tsohchi seing; tbhang ko tbenglah bi Abi seing.

⁴ Abüdongba-nü Abi nyitsarü te künyangre; Abinü alonglümrü akoh ngusoh dhichire.

⁵ Amüsarünü akohla künyangsohng ko akünyang khi müyüp thsasohng.

⁶ Arühnü Tsingrangba sede, yuchoti kohnung ko arüh khingchinung,

⁷ arüh yangthsarüti ixilihnü rahnung;

⁸ ko arüh langnürü idhse ixilihnü xohnung;

⁹ ko Tsingrangba-nü yocho kyo, yuchoti khingchinung arüh kheh la nohsheng akoh bipü züdesohng. Hiba hi Amüsarü akoh. Abüdongba seing!