NENGSEKHI 144 - AMÜSA BAIBEL (BSI)Yangthsarü Khüdunü Akoh Nengdang Secho 1 I tsungtibong Abüdongba seing! Abinü khatanung I khyang nyichosohre, ko rothsanung Ih küdangsohre. 2 Abi I tsungtibong ko khümchorü, I tsung ko I tsikehchah lile, Abi chah Ihnü longlangre. Abinü yanglihti I pohki kangsohre. 3 Abüdongba, Nühnü khichinungthsa nyitsarü hi tuo; Nühnü lümkehnungthsa nyitsarü tuo? 4 Abi asah khüdu du; abi nyümongti tsü khümkhu tsiba nbükhüm kyole. 5 O Abüdongba, ning rohrüp-pü jürung; azongti tsü thahpüng ko mikhu chüronung. 6 Ningmüla müthehnü I rorüti tsipitsizasohng; Nü tbüdeng kyamüthehng ko arüh tsishosohng. 7 Amilang Nü kheh tohchahchü kih asoh lanü Ih tphahchehng ko Ih khümchoung. 8 Shuparü sürünü khodesü yuje müchoro ko arahkheh yuchüm mii khyüro, arüh khehlanü Ih khümchoung. 9 Ihnü Nüh yang khi asi thsanung, O Tsingrang; Ihnü tbenglah bi Nüte thsanung. 10 Nühnü yangthsarü khyang akoh jüre, ko Nü dikehrü David khümchocho. 11 Atürütseh I rorüh khehlanü Ih khümchoung; Shuparü sürünü khodesü yuje müchoro, ko arahkheh yuchüm mii khyüro, arüh khehlanü Ih khümchoung. 12 Ihrü tsurüti arüh kunu thsade, singdong kyo khümkhüm, ihrü tsularüti yangthsaba kuh hechinung nangolang dongditi kyo kangsohng. 13 Ihrü shih fürü lang papanü jengsohng. Ihrü mizatinü aza hajarnü hajar susohng. 14 Ihrü misüti aza müthsangnyangpü ko müchahpü suchehsohng. Ihrü yanglongla metraba tülisoh. 15 Hiri kyo amüwa ngurü yucho akünyangnung; Sürü Tsingrang Abüdongba liro arüh akünyangnung! |
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.
Bible Society of India