NENGSEKHI 137 - AMÜSA BAIBEL (BSI)

Yangtsila Israelrü Meshü

¹ Babylon yongkhi te ihrü pümcho; hütsüla Zion lümcheh ihrü tracho.

² Shündhün liba willow singchah, ihrü tbenglah vipücho.

³ Ihrü kohchehrünü ihrü te khi thsanung yocho; ihrü te arüh künyangsohnung: “Zion nengdang khi thsaang” pü ihrü te yocho.

⁴ Shuparü lih la khütapü ihrünü Abüdongba te khi thsanung?

⁵ O Jerusalem, Ihnü nüh nbüchükhang, I kheh tsalang kungkehsohng!

⁶ Ihnü nüh mülümchehkhang Ihnü nüh tsü I akünyang adiubaepü mülümkhang, I müle I khüla chah tahkehsohng!

⁷ Abüdongba, Jerusalem khülu nyümong Edomrünü tu nguchicho lümchehng. “Alih kangsohng” pü arühnü yocho lümkehng!

⁸ Babylon, nüh changsohnung. Nühnü ihrü te nguchicho kyo Sünü nüte nguchiro,

⁹ ko sünü nührü tsurü khyo lung chahnü lahsehrünang abi akünyangnung!