NENGSEKHI 136 - AMÜSA BAIBEL (BSI)

Nengse Jüba Khi

¹ Abüdongba khyang nengse jüng, tunüo Abi atsa; Abi amüi achangka mühle.

² Tsingrangti yola Tsingrang khyang anengse jüng; Abi amüi achangka mühle.

³ Abüdongrüti yola Abüdongba khyang nengse jüng; Abi amüi achangka mühle.

⁴ Abi dunü thsayahiya arangcheh nguchire; Abi amüi achangka mühle.

⁵ Abi lümlongnü ningti külüpcho; Abi amüi achangka mühle.

⁶ Abinü kih michah alimih thricho; Abi amüi achangka mühle.

⁷ Abinü nyü ko chonu thricho; Abi amüi achangka mühle;

⁸ Anyümong nyünü yangthsanung; Abi amüi achangka mühle;

⁹ Aromang chonu ko chenghitinü yangthsanung; Abi amüi achangka mühle.

¹⁰ Abinü Ijiprü aukhurüti müpsehcho; Abi amüi achangka mühle.

¹¹ Abinü Israelrü Ijip lanü nüchehcho; Abi amüi achangka mühle;

¹² amüküp kheh ko rezeh pükhyangnü; Abi amüi achangka mühle.

¹³ Abinü Amoh kih changshosohcho; Abi amüi achangka mühle;

¹⁴ Abinü hütsü khu anyitsarü nüchehcho; Abi amüi achangka mühle;

¹⁵ ta Abinü Ijiprü yangthsaba ko rothsarü dhsangsehsohcho, Abi amüi achangka mühle.

¹⁶ Abinü lipilih khu anyitsarü nüchehcho; Abi amüi achangka mühle.

¹⁷ Abinü rezeh yangthsarüti müpsehcho; Abi amüi achangka mühle;

¹⁸ Abinü anengkhong yangthsarüti müpsehcho; Abi amüi achangka mühle;

¹⁹ Amor yangthsaba Sihon; Abi amüi achangka mühle.

²⁰ Bashan yangthsaba Og; Abi amüi achangka mühle.

²¹ Abinü anyitsarü khyang arüh lih jücho; Abi amüi achangka mühle.

²² Abinü adikehrü Israel khyang hütsüri jücho; Abi amüi achangka mühle.

²³ Ihsa amükoh ngude Abinü Ihsa münbüchü; Abi amüi achangka mühle;

²⁴ Abinü arorüh khehlanü Ihsa lehchehcho; Abi amüi achangka mühle.

²⁵ Abinü akang liba apüm khyang tsuyongnung jüre; Abi amüi achangka mühle.

²⁶ Ning Tsingrang khyang anengse jüng. Abi amüi achangka mühle.