NENGSEKHI 130 - AMÜSA BAIBEL (BSI)

Arüku Nengdang Akihchiba

¹ Abüdongba, I adhsa asoh lanü Nüte züdere.

² O Abüdongba, I züdecho nyieng; Ihnü kihchicho nyieng!

³ Nühnü ihrü münyiti khichirelang, mülangjünung lanü sü tsiphunung?

⁴ Ta Nü jengreng drünungthsa, Nühnü ihrü mülang pehjüre.

⁵ Abüdongba arüku Ihnü longphiseh yingre, ko Abi yula Ihnü longlangre.

⁶ Anyahrünü tsingsenung nahmürahcho tenü, ho, anyahrünü tsingsenung nahmürahcho tenü Ihnü Abüdongba longphi yingre.

⁷ Israel, Abüdongba chah yudsing, tunüo Abi amüi müthrehre ko Abinü lede khümchonung lümre.

⁸ Abinü Israelrü arüh münyi apüm lanü khümchonung.