NENGSEKHI 13 - AMÜSA BAIBEL (BSI)

Arüku nengdang Kihchicho

¹ Khütoi nyahli Ih nbüchü pehnung, Abüdongba, lede nengdang ang? Khütoi nyahli I tenü rangkhu linung?

² Khütoi nyahli chongcha rangnung? Khütoi nyahli alongrinü ama atsingse I lasih jengmülüm linung? Khütoi nyahli I rorüh khyang Ih dhrümchisohnung?

³ O Abüdongba, I Tsingrang, I chah dhing, ko Ite laling. I khyang suhre jülieng; Ih tüsüsoh.

⁴ “Ihrünü abi kohko” pü I rorüh khyang tüchosoh. Ih amükoh ngucho khyanglangnü arüh khyang tümünyüjüsoh.

⁵ Amüthrehba Nü amüila Ihnü dümpire; Ih künyangnung, tunüo Nühnü Ih khümchonung.

⁶ O Abüdongba, Nüh yang Ihnü khi thsanung, tunüo Nühnü Ite tsako.