NENGSEKHI 129 - AMÜSA BAIBEL (BSI)

Israel Rorüh Nyüm Akihchiba

¹ Israel, nü rorünü nü zadenü nüh khüta dhsümthsecho ihrü te young.

² “I zadenü I rorünü khütang mütsa Ih dhsümthsecho, ta arühnü Ih mükoh.

³ Arühnü I rungchah khee dhsakehjücho ko Ifü nyisohcho.

⁴ Ta Amüsa Abüdongba-nü ayurü suro lanü Ih lehchehcho.”

⁵ Zion thrünyirü atümung kohpü iipehsohng.

⁶ Arüh atümung kumungchah yaba, müzie kungpehba za kyo kangsohng;

⁷ Sünüsü hütsü mükhyübülungre mahkhang bhongpü mühitsire.

⁸ Lahkhurü sünüsü arüh te, “Abüdongba-nü nührü müwajüng! Ihrünü Abüdongba nengla nührü müwajüre, pü müyonung.”