NENGSEKHI 128 - AMÜSA BAIBEL (BSI)Abüdongba te Nyirü Jiyü 1 Sürünü Abüdongba yocho nyiro, sürünü Abi yuzeng bichiro arüh amüwanung. 2 Nü khehnü chisichehcho nühnü tsunung; nüh künyang ko zehzang linung. 3 Nü kuh la nü nitpü tsü azehzang shükusishü kyo linung, ko nü tsuzarüti tsü nü tsingthsang mükang olive singdong kyo linung. 4 Sünü Abüdongba te nyiro abilü hütsüta müwajünung. 5 Abüdongba-nü Zion lanü nüh müwajüng! Nü akangli ayung Jerusalem müwacho ngu lisohng! 6 Nü shümtsurü ngunungthsa nüh lisohng! Israel te yangtsa lieng! |
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.
Bible Society of India