NENGSEKHI 127 - AMÜSA BAIBEL (BSI)Tsingrangba Tsacho Seba 1 Abüdongba-nü kuh tsü müthsakhang, kuthsarü amükangla khere; Abüdongba-nü yangdi tsü mütsungtikhang, roshengrü tsü amükangla nyahre. 2 Akang linung hitoi kheseh, mütoh suro ko müyüp nguchiba hi amükang. Tunüo Abüdongba-nü müirü khyang arüh yüpseh lide chixire. 3 Tsuzarü tsü Abüdongba thsiking; arüh tsü yuje amüwa lile. 4 Alongde liba tsuzarü tsü rothsarü kheh la tbüdeng kyole. 5 Sü hitari tbüdeng adrong liro abi akünyangnung. Khatachah abi rorüh dhsükehde khodesü abi mükohnung. |
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.
Bible Society of India