NENGSEKHI 124 - AMÜSA BAIBEL (BSI)

Atsungtirü Tsingrangba

¹ Abüdongba Ihsa lahpi mülirelanglü khüta? O Israel, laling!

² “Arorühnü Ihsa mahde, Abüdongba Ihsa lahpi mülirelanglü,

³ arüh rihlong chürobala Ihsa akangnü münyopehpü liba thsako;

⁴ hütsüta kilohnü müyeh tsipü liba, kihnü mülümtipü liba ko

⁵ kih thothola dhsangsehpü liba thsako.”

⁶ Arorühnü Ihsa müchangsohcho nengdang Ihsanü Abüdongba senung.

⁷ Uzathsarü zeng lanü uza khüdu tsichehcho kyo Ihsa tsiphuko!

⁸ Ihsa arüku ning ko alih thribong Abüdongba chahnü rore.