NENGSEKHI 122 - AMÜSA BAIBEL (BSI)

Jerusalem Seba

¹ “Abüdongba kulang Ihsanü wünung” pü arühnü yode Ih künyangcho.

² Ade ihrü Nü tbükhüm yonglang yale, O Jerusalem!

³ Jerusalem tsü achunglangnü drengdreng thricho yangdi khüdu lile.

⁴ Hila yuchoti, Israel hung, Abüdongba khyang Abinü mülacho roh-i anengse jünung rore.

⁵ Hila Israel yangthsarütinü yukhanung pümre.

⁶ Jerusalem yangtsa nengdang dangkhidangnang: “Nü müirüti müwajüng.

⁷ Nü yangdila yangtsa lisohng ko yangthsarü kuh la akhümcho lisohng.”

⁸ Ajünirüti ko shangrüti khyanglangnü Ihnü Jerusalem te yore, “Nüte yangtsa lieng!”

⁹ Abüdongba Ihsa Tsingrang khyanglangnü nührü müwasohnung Ihnü kihchijüre.