NENGSEKHI 121 - AMÜSA BAIBEL (BSI)

Abüdongba Ihsa Tsungtirü

¹ Ihnü azongchah dhingre; khüilangnü I arüku roro?

² I arüku ning ko alih thribong Abüdongba chahnü rore.

³ Abinü nüh müngahsehsohnung; Nü tsungtibong lede akang lile.

⁴ Israel tsungtibong khodesü mühnyichire mahkhang müyüpre.

⁵ Abüdongba-nü nüh nyahnung; nüh tsungtinung Abi nü lahpi lile.

⁶ Anyümong nyünü mahkhang aromang chonunü nüh müdhsakehjünung.

⁷ Abüdongba-nü dhsürü apüm lanü nüh tsungtinung; Abinü nüh khümcho yohpünung.

⁸ Abinü nüh rode ko wüde ko ade ko lede nüh tsungtinung.