NENGSEKHI 12 - AMÜSA BAIBEL (BSI)

Arüku nengdang Kihchicho

¹ Ihrü troung, Abüdongba! Amüsarü khüdusü nying mühle; adelü yuje chorü süsü müngunung.

² Arüh atümungnü khüunü khüu te arahkheh chore; khüdunü khüdu te arahkheh cho thsüyohchütare.

³ Arahkheh choba müle tsü yatijüng, O Abüdongba!

⁴ “Ihrünü mürucho ihrü yunü ngure; Ihrünü tu lümnang hütsü chonung, ko sünüsü ihrü yatinung mükoh” pü choba akükhing be tsü hümtijüng.

⁵ Abüdongba-nü yore, “Ta adelü Ih ronung, tunüo müdsimükurü dhrümchire ko dhsümthserü rühchi dhsasohre. Arüh nahmürahcho roh-i Ihnü arüh phikhümnung.”

⁶ Abüdongba-nü nyengchocho tsü ayudsinung; Arüh tsü michang la dhünyehpili müluchehcho taripi kyole.

^7-8 Akhürahrü tsü apümlang lile, ko atümungnü amütsa du tsü sere. Lede ihrü khümcho yohpüng ko hütsütari nyitsarü tenü ihrü riki yohpüjüng, O Abüdongba.