NENGSEKHI 115 - AMÜSA BAIBEL (BSI)

Yuje Tsingrang Khüdu

¹ Nü khyang du, O Abüdongba, ihrü khyang mah, ta Nü khyang du Nüh müthrehba amüi ko yuje choba shulüm ahechi jüre.

² Tuthsanung yuchotinü ihrü te “Nührü Tsingrang khüde liro” pü tsingdhingsohnung?

³ Ihrü Tsingrang ninglang lile; Abinü tu nguchinyüro hütsü nguchire.

⁴ Arüh tsingrang tsü hon ko taripinü, nyitsarü khehnü külüpre.

⁵ Arüh be kehle, ta chonung mükoh, anah kehle ta ngunung mükoh.

⁶ Arüh nangku kehle, ta yuchinung mükoh, nabong kehle, ta xümnung mükoh,

⁷ Arüh kheh kehle, ta nguchinung mükoh, Jing kehle ta tsehnung mükoh; arühnü sahthsanung mükoh.

⁸ Hütsüri külüprü ko hütsüri chah yudsirü atümung, arühnü külüpcho kyothri kyo kangsohng.

⁹ Abüdongba chah yudsing, nührü Israelrüti. Abinü nührü rükure ko tsungtire.

¹⁰ Abüdongba chah longlang, nührü Tsingrangba bebürüti. Abinü nührü rükure ko tsungtire.

¹¹ Abüdongba chah longlang, nührü Abi mübürüti, Abinü nührü rükure ko tsungtire.

¹² Abüdongba-nü Ihsa lümchehnung ko müwajünung; Abinü Israelrü ko Tsingrangba bebürü atümung müwajünung.

¹³ Abüdongba drürü amülah ko azikyah atümung Abinü müwajünung.

¹⁴ Abüdongba-nü tsuzarü ko nü chahnü trahchochoti susohng!

¹⁵ Ning ko alih thribong Abüdongba-nü nührü müwajüng!

¹⁶ Ning tsü Abüdongba yo du, ta Abinü limih tsü nyitsarü khyang jücho.

¹⁷ Asürü mahkhang anaying lih lang züdurü sünüsü Abüdongba müsere.

¹⁸ Ta Ihsa akang lirünü ade ko achangka müli Abi senung. Abüdongba seing!