NENGSEKHI 114 - AMÜSA BAIBEL (BSI)

Phungkhu Khi

¹ Khode Israelrü Ijip pehjücho, khode Jakob trahnü shirü lih tsü pehjücho.

² Juda tsü Abüdongba Amüsa nyitsarü kangcho, Israel tsü apu yo kangcho.

³ Amoh kihnü dhingcho ko drü tsicho; Jordan Yongkhinü müpohcho.

⁴ Azongtinü miza kyo tsohkehcho; ko akhangtinü sanza kyo tsohchicho.

⁵ Kihdi, tunü nüh rang tsisohcho? O Jordan, tuepü nühnü müpohcho?

⁶ Azongti, tuepü miza kyo tsohkehcho? Akhangti, tuepü sanza kyo tsohchicho?

⁷ Limih, Abüdongba rode, Jakob Tsingrang jingte dhridhrieng,

⁸ Abinü lungnü kihting ko lungrahnü kihnatung kangsohre.