NENGSEKHI 113 - AMÜSA BAIBEL (BSI)

Abüdongba Tsacho Secho

¹ Abüdongba seing! Nührü Abüdongba dikehrüti, Abi neng seing!

² Abi neng ade ko lede senung.

³ Nyü chüronü nyü züdu chii Abüdongba neng seing!

⁴ Abüdongba-nü yanglih apüm michah thsare; Abi ahechi ning michah lile.

⁵ Abüdongba Ihsa Tsingrang kyo süsü mühle. Abi khütang athsengla lire;

⁶ ta Abinü ning ko alih dhingnung mükhurangre.

⁷ Abinü adeng lanü ailümrü dhimüsure; dhsangthsirü arüh roto lanü wüpkehre,

⁸ ko amüyurü yangthsarü shangrü kangsohcho.

⁹ Azarü müliba khingkurü Abinü chomangre; Abinü abükyü khyang azarü jonü künyangsohre. Abüdongba seing!