NENGSEKHI 110 - AMÜSA BAIBEL (BSI)

Abüdongba ko Abinü Throchehcho Yangthsaba

¹ Abüdongba-nü I büdongba yangthsaba te yocho, “Ihnü nü jing pohki nü rorüh müyohpüde hila I tsalang püm.”

² Zion lanü Abüdongba-nü nü tase zikehjünung. Abinü yore, “Nü rorüti michah yangthsang.”

³ Nü rorüh te khata nyümongla, nü nyitsarünü amükangnü nüh tronung. Anyangnyü yingkih kyo dhrezarütinü Amüsa khang chah tsü nüh yang ronung.

⁴ Abüdongba-nü yuchümko ko hütsü mükhyülinung: “Melkizedek chahnü chung rocho nüh lede nengdang Bebürü linung.”

⁵ Abüdongba nü tsalangthring lile; khode Abi zichüronang, Abinü yangthsarüti kohnung.

⁶ Abinü yanglihti michah yukhanung ko khata ngah tsü menü jengnung; Abinü limih apümlang yangthsarüti kohnung.

⁷ Yangthsabanü langjüp kihna lanü yongnung, rezehnung ko abinü kohnung.