NENGSEKHI 11 - AMÜSA BAIBEL (BSI)

Abüdongba Chah Longlangba

¹ Ihnü Abüdongba chah khümchosohnung longlangre. “Uza kyo azong yang mong tsieng” pü yoba tsü nüh khüta amüsithsa,

² tunüo akhürahrünü arüh thsalu hiikehpü amüsarü chah kyanung amarürah la mii yale.

³ Khode lüpcho lohpilohzanang amüsarünü tusü mükülüpcheh.

⁴ Abüdongba tsü Amüsa amübükuh la lile; ninglanglih la Abi pümji lile. Abinü apümlang nyitsarü dhingyehre ko arühnü nguchicho müdhere.

⁵ Nyitsarü atsa ko amütsa anyüding Abinü müchehdhingre; yuzeng thsangnyangrülü Abi lasih apümnü thrünyire.

⁶ Abinü tru yaba miphoh ko miloh amütsarü chah mükhakehjüre; Abinü trüpnahba nyübongnü arüh khingchire.

⁷ Abüdongba tsü Amüsa, Abinü nguchi atsa müire; sünü hütsüri nguchinang arühnü Abi ngunung.